მოკლედ: საპატრულო პოლიციის დეპარტამენტის უფროსი, ვაჟა სირაძე სპეცრაზმის ხელმძღვანელის, ზვიად ხარაზიშვილის განცხადებას ეხმიანება, "არაკაცების სიასთან" დაკავშირებით.

დეტალები: სირაძე სიის არსებობას უარყოფს.

  • "რაღაც ძალიან ისეთი რაღაც აიტაცეთ... სია არ არსებობს", — თქვა მან ტელეკომპანია ფორმულასთან.

ხარაზიშვილს დღეს კითხეს, აპირებს თუ არა სპეცრაზმი ახალგაზრდების ცემას. სპეცრაზმის ხელმძღვანელმა უპასუხა, რომ "ის არ სცემს ახალგაზრდებს, არამედ სცემს არაკაცებს და აქვს სია".

ამ თემაზე: საია: ხარაზიშვილი ავრცელებს ძალადობრივი პრაქტიკების მუქარას, რასაც ძალადობის წამახალისებელი ეფექტი აქვს

  • ასევე, ხარაზიშვილმა თქვა, რომ ერთიანი ნაციონალური მოძრაობის ლიდერის, ლევან ხაბეიშვილს, რომელიც 1-ელ მაისს სცემეს, უარესი ელის: "ყველა სცემს თავის თავს... ხაბეიშვილს უარესი... [ელის]".

გაიგე მეტი: "ეს ჭინკა ვის დაემუქრება ნაკლებად საინტერესოა, ეს არ არის სასაცილო, ეს ეხებათ ჩვენს შვილებს" — ხაბეიშვილი ხარაზიშვილის მუქარაზე