საია: ხარაზიშვილი ავრცელებს ძალადობრივი პრაქტიკების მუქარას, რასაც ძალადობის წამახალისებელი ეფექტი აქვს
![](http://chandler.on.ge/2024/05/28/kharr.png_6655d6086ea90.jpg)
მოკლედ: საქართველოს ახალგაზრდა იურისტთა ასოციაცია (საია) აცხადებს, რომ განსაკუთრებულ დავალებათა დეპარტამენტის დირექტორი, ზვიად ხარაზიშვილი, საჯაროდ ავრცელებს ძალადობრივი პრაქტიკების მუქარას, რასაც, სამართალდამცავთა მხრიდან, ძალადობის წამახალისებელი ეფექტი აქვს.
- "ხარაზიშვილმა, ჟურნალისტებთან დაადასტურა, რომ სპეცრაზმი მოქალაქეებს სცემს და ამისთვის წინასწარ შედგენილი სია არსებობს", — წერს საია.
დეტალები: საიას თქმით, ხარაზიშვილის განცხადება კიდევ ერთხელ ცხადყოფს, რომ რუსული კანონის მშვიდობიანი პროტესტის ჩასახშობად, ხელისუფლება უკანონო და ადამიანის ღირსების შემლახავ, ძალადობრივ მეთოდებს მიზანმიმართულად იყენებს.
- "განსაკუთრებით საგანგაშოა, რომ რუსული კანონის ინიციირების შემდეგ, ადგილი ჰქონდა სამართალდამცავთა მხრიდან შესაძლო წამების, არაადამიანური ან დამამცირებელი მოპყრობის არაერთ შემთხვევას".
- საია აღნიშნავს, რომ სპეციალური საგამოძიებო სამსახური, მსგავს შემთხვევებს ადეკვატურ სამართლებრივ კვალიფიკაციას არ აძლევს და გამოძიებას ყოველთვის სისხლის სამართლის კოდექსის 333-ე მუხლით წარმართავს, რაც სამსახურებრივი უფლებამოსილების გადამეტებას გულისხმობს.
საქართველოს ახალგაზრდა იურისტთა ასოციაცია მოუწოდებს
- შინაგან საქმეთა სამინისტროს — უარი თქვას ძალადობრივ და ადამიანის უფლებების დამრღვევ პრაქტიკაზე, დაიცვას მშვიდობიანი შეკრების უფლება და დემონსტრანტების ფიზიკური უსაფრთხოება.
- შსს-ს განსაკუთრებულ დავალებათა დეპარტამენტის თანამშრომლებს — არ შეასრულონ უკანონო ბრძანებები: "შევახსენებთ მათ, რომ წინასწარი შეცნობით დანაშაულებრივი ბრძანების ან განკარგულებების შესრულება წარმოადგენს სისხლისსამართლებრივი პასუხისმგებლობის საფუძველს".
- სპეციალურ საგამოძიებო სამსახურს — ჰქონდეს ეფექტიანი რეაგირება სამართალდამცავთა მხრიდან ძალადობის შემთხვევებზე, რაც, მათ შორის, გამოიხატება ძალადობის შემთხვევებისთვის სწორი კვალიფიკაციის მიცემაში.
- "გამოიკითხოს ზვიად ხარაზიშვილი და ჩატარდეს მისი განცხადების საპასუხოდ შესაბამისი საგამოძიებო მოქმედებები", — წერს საია.
კონტექსტი: დღეს, 28 მაისს, პარლამენტთან იმყოფებოდა სპეცრაზმის უფროსი ზვიად ხარაზიშვილი (ხარება).
- ჟურნალისტების კითხვაზე, აპირებდა თუ არა დღესაც სპეცრაზმი ახალგაზრდების ცემას, ხარაზიშვილმა თქვა, რომ "ის არ სცემს ახალგაზრდებს, არამედ სცემს არაკაცებს და აქვს სია".
- ასევე, ხარაზიშვილმა თქვა, რომ ერთიანი ნაციონალური მოძრაობის ლიდერის, ლევან ხაბეიშვილს, რომელიც 1-ელ მაისს სცემეს, უარესი ელის: "ყველა სცემს თავის თავს... ხაბეიშვილს უარესი... [ელის]".
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები