დაკავებულ ლაზარე გრიგორიადისს დაზიანებები აქვს სახისა და თავის არეში — ადვოკატი
![](http://ross.on.ge/2024/05/14/IMG_1675.jpg)
ფოტო: მარიამ მერლანი/ On.ge
მოკლედ: ლაზარე გრიგორიადისის ადვოკატმა, ეკა ქობესაშვილმა On.ge-ის უთხრა, რომ ლაზარე გრიგორიადისი დაკავებულია ადმინისტრაციული წესით — წვრილმანი ხულიგნობა და პოლიციისთვის დაუმორჩილებლობა.
დეტალები: ადვოკატი On.ge-ის უყვება, რომ დაკავების დროს, პოლიციის მხრიდან ადგილი ჰქონდა ფიზიკურ ანგარიშსწორებას და ლაზარეს სახისა და თავის არეში აქვს დაზიანებები.
- "ხელბორკილების მოჭერის შედეგად, ხელები აქვს დაზიანებული. სხეულის სხვადასხვა არეში ტკივილები აქვს. დაკავებისას, ცემის დროს, რაღაც მომენტში, გონება დაკარგა".
- ლაზარე გრიგორიადისი, ამ მომენტში, დიღმის წინასწარი დაკავების იზოლატორში იმყოფება.
კონტექსტი: ლაზარე გრიგორიადისი, რომელმაც ციხე 24 აპრილს, პრეზიდენტის შეწყალების შემდეგ დატოვა, პოლიციამ პარლამენტთან, აქციაზე დააკავა.
- "დიახ მეგობრებო ლაზარე ისევ დაიჭირეს და ჩვენც მიგვაყოლებენ,თუ ეს დამპალი რეჟიმი არ გაუყენეთ ციმბირის გზას!", —დაწერა ლაზარეს დედამ, თამთა კალანდაძემ ფეისბუქზე.
გუშინ, 14 მაისს, პარლამენტში, რუსული კანონის მესამე მოსმენით მიღების შემდეგ, სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა. გამოიყენეს წიწაკის სპრეიც.
- პოლიციამ დაკეტა მეტროსადგური თავისუფლების მოედანი.
- შინაგან საქმეთა სამინისტროს ინფორმაციით, საპროტესტო აქციაზე 13 პირი დააკავეს.
14 მაისის, საღამოს, როდესაც რუსული კანონის მოწინააღმდეგეების ნაწილმა გმირთა მოედანზე სავალი ნაწილის გადაკეტვა სცადა, სამართალდამცველებმა რამდენიმე ადამიანი ძალის გამოყენებით დააკავეს.
- ამ ეტაპზე, გმირთა მოედანზე დაკავებულთა ზუსტი რაოდენობის შესახებ, შსს-ს ინფორმაცია არ გაუვრცელებია.
გაიგე მეტი: აქციის დროს დაკავებული კონსტანტინე თოხაძე თავისუფალია
- დაკავებებს და პოლიციის მხრიდან სამსახურებრივი უფლებამოსილების გადამეტების ფაქტებს სახალხო დამცველი ლევან იოსელიანი გამოეხმაურა და განაცხადა, რომ შემაშფოთებელია იმ ძალადობრივი ქმედებების ხილვა, რასაც სამართალდამცავი უწყება არაერთ შემთხვევაში კვლავ იყენებს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები