მოკლედ: ამერიკის შეერთებული შტატების სახელმწიფო დეპარტამენტის მაღალჩინოსანი, ჯიმ ო'ბრაიენი საქართველოს მთავრობის კანცელარიაშია. ის საქართველოში დღეს დილით ჩამოვიდა.

  • ჯიმ ო'ბრაიენი არის აშშ-ის სახელმწიფო მდივნის თანაშემწეა ევროპისა და ევრაზიის საკითხებში.
  • არსებული ინფორმაციით, ამ წუთებში ის საქართველოს პრემიერ-მინისტრს, ირაკლი კობახიძეს ხვდება.
  • მათთან ერთად, შეხვედრაზე იმყოფება საქართველოს საგარეო საქმეთა მინისტრი ილია დარჩიაშვილიც.

რა ვიცით ჯიმ ო'ბრაიენის ვიზიტზე: აშშ-ის სახელმწიფო დეპარტამენტის მაღალჩინოსანი საქართველოში სამი დღე იქნება.

ო.ბრაიენი გამართავს შეხვედრებს როგორც მთავრობის წარმომადგენლებთან, ასევე, ოპოზიციურ პარტიებთან, სამოქალაქო სექტორთან და კერძო სექტორთან.

  • გუშინ გავრცელდა ინფორმაცია, რომ დაგეგმილი იყო მისი შეხვედრა ქართული ოცნების საპატიო თავმჯდომარე ბიძინა ივანიშვილთანაც.
  • სამთავრობო არხებმა, იმედმა და რუსთავი 2-მა ჯერ გამოაქვეყნეს, თუმცა მალევე წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს.
  • 13 მაისის დღის ბოლოს ბრიფინგი გამართა ირაკლი კობახიძემ და თქვა, რომ ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა.

წაიკითხეთ ჯიმ ო'ბრაიენთან ამერიკის ხმის მიერ ჩაწერილი ინტერვიუ საქართველოში ჩამოსვლამდე