თბილისში, ჭავჭავაძის გამზირზე პოლიციამ მოქალაქეები დააკავა.

  • ადგილზე გადაღებულ კადრებში რამდენიმე პირის დაკავება ჩანს.
  • ამ მომენტში ჭავჭავაძის გამზირზე მოქალაქეთა დიდი ჯგუფი აღარ იმყოფება, თუმცა, ადგილზე ისევ რჩება პოლიცია.
  • შინაგან საქმეთა სამინისტროს ამ დრომდე არ განუცხადებია ჭავჭავაძის ქუჩაზე დაკავებულთა რაოდენობის, ან მათი დაკავების მიზეზების შესახებ.
  • ჟურნალისტის, მარიამ ნიკურაძის გადაღებულ კადრებში ჩანს, რომ პოლიცია, მშვიდობიანი მოქალაქეთა დაკავების მიზნით, მიმართავდა ძალას.

რა მოხდა: მოქალაქეები თავდაპირველად მივიდნენ ვაკეში, აბაშიძის ქუჩაზე, რათა მხარი დაეჭირათ რუსული კანონის მოწინააღმდეგე ბლოგერის, უჩა აბაშიძისთვის.

  • უჩა აბაშიძე პოლიციამ დღეს, 9 მაისის საღამოს დააკავა.
  • მას შემდეგ, რაც ის სამართალდამცავებმა საცხოვრებელი სახლიდან გაიყვანეს, მისმა მხარდამჭერებმა აბაშიძიდან ჭავჭავაძის გამზირზე გადაინაცვლეს.
  • თავდაპირველად პოლიცია აცხადებდა, რომ დააკავებდა მოქალაქეებს, რომლებიც გზას გადაკეტავდნენ, თუმცა, სამართალდამცავებმა მალევე დაიწყეს ტროტუარებზე მდგომი პირების დაკავებაც.
  • მთავარი არხის პირდაპირ ეთერში ჩანს, რომ ერთ-ერთი პოლიციელი ხელს უშლის მუშაობაში ტელევიზიის ოპერატორს.

გაიგე მეტი: უჩა აბაშიძე დაკავებულია