რა ხდება: რუსული კანონპროექტის მომხსენებელს, მამუკა მდინარაძეს დღეს რუსული კანონის მეორე მოსმენით კენჭისყრაში მონაწილეობა არ მიუღია.

  • რადიო თავისუფლების ინფორმაციით, მან სასწრაფო ოპერაცია გაიკეთა.

დეტალები: დღესაც, ისევე, როგორც პირველ მოსმენაზე, კანონპროექტს ხმა მისცა 83-მა დეპუტატმა.

  • რადიო თავისუფლების ცნობით, პირველი მოსმენისგან განსხვავებით, კანონპროექტს მეორე მოსმენით მხარი დაუჭირა პოლიტიკური ჯგუფის, ევროპელი სოციალისტების თავმჯდომარემ ფრიდონ ინჯიამ.
  • ასევე, საგარეო ურთიერთობათა კომიტეტის თავმჯდომარე ნიკოლოზ სამხარაძე ამერიკის შეერთებულ შტატებში მივლინებით იმყოფება და ამიტომ დღეს გამართულ კენჭისყრაში მონაწილეობა ვერ მიიღო.
  • თუმცა სხდომას დაესწრო ფრაქცია ქართული ოცნების წევრი გივი ჭიჭინაძე, რომელიც კანონპროექტის პირველი მოსმენით კენჭისყრის დროს სხდომაზე არ იმყოფებოდა.

ბოლო ხაზი: პარლამენტმა მეორე მოსმენით რუსული კანონპროექტი დღეს მიიღო.

  • ბოლო, მესამე მოსმენის სავარაუდო თარიღი 17 მაისია.