მოკლედ: რუსული კანონის საწინააღმდეგო აქცია თბილისში დღესაც იგეგმება.

  • მანიფესტაცია პარლამენტის უკანა შესასვლელთან 17 საათზე დაიწყება.

დეტალები: სოციალურ ქსელებში რეგიონში მცხოვრები ადამიანები წერენ, რომ თვითორგანიზებით გეგმავენ, თბილისში დაგეგმილ დღევანდელ აქციას შეუერთდნენ.

  • ამასთან, გუშინ შეიქმნა ფეისბუქის ჯგუფიც, სადაც თბილისელები, რუსული კანონის გასაპროტესტებლად რეგიონებიდან ჩამოსულ ადამიანებს ღამის გასათევს, ხშირ შემთხვევაში კი — კვებისა და მგზავრობის ხარჯის დაფარვასაც სთავაზობენ.

კონტექსტი: რუსული კანონის მოწინააღმდეგეთა აქცია გუშინ სპეცრაზმმა რამდენჯერმე დაარბია.

  • ფიზიკურად გაუსწორდნენ აქციის მონაწილეებს.
  • გაუფრთხილებლად გაუშვეს ცრემლსადენი გაზი.
  • არიან დაშავებულები, მათ შორის ჟურნალისტები და ასევე, დეპუტატი ლევან ხაბეიშვილი.
  • შსს-ს ინფორმაციით, აქციაზე 63 ადამიანი დააკავეს.

პარლამენტი რუსულ კანონზე მსჯელობს, კენჭისყრა, სავარაუდოდ, დღეს იქნება და ოცნება კანონპროექტს მეორე მოსმენით მიიღებს.

ასევე ნახეთ: ხმაური პარლამენტში — ოპოზიციონერი ქალი დეპუტატების თქმით, მათი მისამართით ბოთლებსა და წიგნებს ისროდნენ