347 388 ლარის ღირებულების 28 000 ლიტრი ეთილის სპირტის უკანონო იმპორტირების ბრალდებით ორი პირი დააკავეს.

ფინანასთა სამინისტროს საგამოძიებო სამსახურის მტკიცებით, 2017 წლის 16 ივლისს, სახელმწიფოს მიერ დადგენილი შესაბამისი საბაჟო მოსაკრებლისა და გადასახადის გადახდისაგან თავის არიდების მიზნით, ბრალდებულებმა შემოტანილი სპირტი რეექსპორტის რეჟიმში მოაქციეს. გამოძიების ცნობით, რეექსპორტის ნაცვლად, სპირტი შემდგომი რეალიზაციისთვის, მალულად, ერთ-ერთი ღვინის ქარხანაში განთავსებულ ავზებში გადაიტანეს.

გამოძიება მიმდინარეობს საქართველოს სისხლის სამართლის კოდექსის 214-ე მუხლის მე-5 ნაწილით, რაც ითვალისწინებს თავისუფლების აღკვეთას ვადით 8-დან 11 წლამდე.