მოკლედ: რუსეთის პრეზიდენტმა, ვლადიმირ პუტინმა, სახელმწიფოების სუვერენიტეტისა და უსაფრთხოების განმტკიცების უმნიშვნელოვანეს პირობად, "ტრადიციული სულიერი და მორალური ფასეულობების შენარჩუნება და დაცვა" დაასახელა.

  • ამის შესახებ რუსული პროპაგანდისტული მედიასაშუალება RIA წერს.

დეტალები: პუტინმა ტრადიციული ღირებულებების დაცვის აუცილებლობაზე ისაუბრა უსაფრთხოების XII საერთაშორისო შეხვედრის მონაწილეებისადმი ვიდეომიმართვაში.

  • "როგორც ისტორიული გამოცდილება აჩვენებს, ქვეყნები, რომლებიც ინარჩუნებენ თავიანთი ხალხის ეროვნულ იდენტობას და თვითმყოფადობას, პატივს სცემენ წინაპრების ხსოვნას და ამავე დროს, პატივს სცემენ სხვა კულტურებსა და ტრადიციებს, თანმიმდევრულად და დამოუკიდებლად ვითარდებიან“, — განაცხადა რუსეთის პრეზიდენტმა.

მსგავსი: როგორ იქცა მოსკოვში გამართული "თითქმის შიშველი წვეულება" პოლიტიკურად

ეროვნული უსაფრთხოების, სოციალური სტაბილურობისა და ეკონომიკური განვითარების უზრუნველყოფის კიდევ ერთ საკითხად პუტინს მიაჩნია "საინფორმაციო სივრცის დაცვა, გარე და შიდა საფრთხეებისგან".

ასევე, ნახეთ: 10 შეთქმულების თეორია, რომელსაც კრემლი მოსახლეობას აჯერებს

  • მან, ასევე, ხაზგასმით აღნიშნა, რომ რუსეთი მზად არის "მჭიდრო თანამშრომლობისთვის გლობალური და რეგიონული უსაფრთხოების უზრუნველსაყოფად, ახალი მრავალპოლარული მსოფლიო წესრიგის ჩამოყალიბებისთვის, რომელიც აკმაყოფილებს ქვეყნების უმრავლესობის ინტერესებს."

ბოლო ხაზი: შეხვედრა სანქტ-პეტერბურგში რუსეთის უშიშროების საბჭოს ორგანიზებით მიმდინარეობს.

  • რია ნოვოსტის ინფორმაციით, მას ესწრება 106 ქვეყნის დელეგაცია, რომელსაც ხელმძღვანელობენ უშიშროების საბჭოების მდივნები, სახელმწიფოს მეთაურის თანაშემწეები და მრჩევლები ეროვნული უსაფრთხოების საკითხებში, მინისტრები და სპეცსამსახურების ხელმძღვანელები.

რედაქციისგან: გზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ