მოკლედ: პრეზიდენტმა საქართველოში აკრედიტებულ დიპლომატიურ კორპუსთან შეხვედრაზე, ქვეყანაში განვითარებული მოვლენები განიხილა და "უცხოური გავლენის გამჭვირვალობის შესახებ" კანონპროექტის შესახებ ისაუბრა.

  • ინფორმაციას პრეზიდენტის ადმინისტრაცია ავრცელებს.

დეტალები: ორბელიანების სასახლეში გამართულ შეხვედრაზე პრეზიდენტმა ყურადღება გაამახვილა საქართველოს ევროპულ გზაზე საერთაშორისო საზოგადოების მხარდაჭერის მნიშვნელობაზე და აღნიშნა, რომ რუსეთის მიზანია ქვეყანაში დესტაბილიზაცია და საზოგადოების დაყოფა, რასაც საქართველოში არ უნდა მიაღწიოს.

  • "თქვენი მხარდაჭერა მნიშვნელოვანია ქვეყნისათვის და განაგრძეთ ეს მხარდაჭერა", — მიმართა ელჩებს პრეზიდენტმა.
  • პრეზიდენტმა თქმით, მნიშვნელოვანია, ასევე, ევროპელი ლიდერების მაღალი დონის ვიზიტების გააქტიურება, რაც თავისთავად მხარდაჭერის გამოხატულებაა.
  • პრეზიდენტის განცხადებით, ქვეყანაში შექმნილ ამ ვითარებაში მნიშვნელოვანია ასევე, რომ არჩევნებზე ხალხმა თავისუფლად გამოხატოს საკუთარი აზრი და გააკეთოს არჩევანი.

პრეზიდენტის ადმინისტრაციის ინფორმაციით, ევროკავშირის ელჩმა თქვა, რომ ეს კანონი ეწინააღმდეგება საქართველოს ევროპულ გზას.

ბოლო ხაზი: რუსული კანონი პარლამენტმა დღეს, 17 აპრილს, პირველი მოსმენით მიიღო.