Warner Bros.-მა ახლახან დაადასტურა, რომ The Matrix-ის მე-5 ნაწილზე მუშაობა იწყება. ფილმის რეჟისორი Cabin in the Woods-ისა და Martian-ის სცენარისტი, დრიუ გოდარდი, იქნება. ლანა ვაჩოვსკი კი, რომელიც აქამდე The Matrix-ის რეჟისორი იყო, ამჯერად აღმასრულებელი პროდიუსერის როლს მოირგებს.

ახალი ფილმის შესახებ ბევრი რამ ტრადიციულად გასაიდუმლოებულია. ჯერჯერობით ისიც უცნობია, ვიხილავთ თუ არა მთავარ როლებში კიანუ რივზსა და კერი-ენ მოსს. Warner Bros.-ის განცხადებით, ფილმის მე-5 ნაწილი აქამდე ნაცნობი სამყაროსგან რადიკალურად განსხვავებული არ იქნება.

"დრიუ გოდარდი Warner Bros.-თან ახალი იდეით მოვიდა და ყველას გვჯერა, რომ ეს მატრიცის სამაყროს გაგრძელების წარმატებული გზა იქნება. ისევე როგორც, 25 წლის წინ ლანა და ლილი ვაჩოვსკებმა უნიკალური პერსპექტივა შემოგვთავაზეს, რომელსა ფილმი და პერსონაჟები ეფუძნება. Warner Bros.-ის მთელი გუნდი აღფრთოვანებულია იმ ფაქტით, რომ დრიუ მალე The Matrix-ის ახალ ფილმს გადაიღებს და კინემატოგრაფიას თავის ხედვას დაამატებს", — განაცხადა Warner Bros.-ის პრეზიდენტმა, ჯესი ერმანმა.

შეგახსენებთ, რომ The Matrix ეკრანებზე პირველად 1999 წელს გამოვიდა და დღემდე ერთ-ერთ ყველაზე პოპულარულ ნამუშევრად რჩება. ფილმის მე-2 და მე-3 ნაწილები 2003 წელს გამოვიდა. მე-4 ნაწილში კი კიანუ რივზი და კერი ენ მოსი ისევ ვიხილეთ.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...