რა ხდება: პარტია ქართული ოცნების საპატიო თავმჯდომარე ბიძინა ივანიშვილმა საქართველოს საფეხბურთო ნაკრებს გამარჯვება რასაკვირველია, მიულოცა, —უთხრა თბილისის მერმა კახა კალაძემ ჟურნალისტებს.

• კალაძემ აღნიშნა, რომ ბიძინა ივანიშვილსა და საქართველოს ფეხბურთის ფედერაციის პრეზიდენტს, ლევან კობიაშვილს შორის, სატელეფონო საუბარი შედგა.

კახა კალაძე: "ბიძინა ივანიშვილსა და ფეხბურთის ფედერაციის პრეზიდენტს შორის სატელეფონო საუბარი შედგა და გამარჯვება მიულოცა. ეს იყო მთელი ქვეყნის გამარჯვება. მართლაც ძალიან მნიშვნელოვანი შედეგი დაიდო. ყველაზე კარგია, რომ ძალიან ცხელი ზაფხული გველოდება. უნდა ვუგულშემატკივროთ ეროვნულ ნაკრებს, რადგან დარწმუნებული ვარ, ევროპის ჩემპიონატზეც ღირსეულად წარდგება. ეს ეფექტი ძალიან მნიშვნელოვანია და მხოლოდ ერთჯერადი აქტი არაა.

• ევროპის ჩემპიონატზე გასვლა, რა თქმა უნდა, უდიდესი მნიშვნელობისაა, მაგრამ ამას დროთა განმავლობაში კიდევ უფრო მეტი ეფექტი მოჰყვება. წარმოიდგინეთ რამდენი ბავშვია, რომელსაც გაუჩნდა მეტი მოტივაცია, სურვილი, რომ ფეხბურთელი, სპორტსმენი გამოვიდეს. ეს ყველაფერი თანხვედრაშია", — თქვა თბილისის მერმა ჟურნალისტებთან საუბრისას.

ფეხბურთის ფედერაციის განცხადება — როგორ იყიდის ბილეთებს გულშემატკივარი ევრო 2024-ზე

• კახა კალაძის თქმით, ბოლო წლების განმავლობაში, სპორტის განვითარების მიმართულებით, არაერთი სამუშაო განხორციელდა, "თუმცა მომავალში მსგავსი პროექტების რაოდენობა კიდევ უფრო გაიზრდება."
• მან ისაუბრა იმის თაობაზეც, თუ რა შესაბამისი ნაბიჯები უნდა გადადგას საქართველოს ხელისუფლებამ, ფეხბურთის ფედერაციასთან ერთად, საფეხბურთო ინფრასტრუქტურის განვითარებისთვის, რადგან "ჩვენ მართლა საფეხბურთო ქვეყანა ვართ — გვაქვს ისტორია, წარსული, აწმყო, რაც ძალიან კარგია, ასევე, მომავალიც."

Comcom-მა დათვალა, რამდენმა ადამიანმა უყურა საქართველო-საბერძნეთის მატჩს პირველ არხზე

კონტექსტი: საქართველოს საფეხბურთო ეროვნულმა ნაკრებმა, ჩემპიონატის შესარჩევი ეტაპის საპლეიოფო ფინალში, საბერძნეთს მოუგო და ისტორიაში პირველად, ევროპის ჩემპიონატზეა.

• მოგების აღსანიშნავი ზეიმი, დედაქალაქის და ქვეყნის მასშტაბით, დილამდე გაგრძელდა. მოსახლეობა დროშებით, სიმღერებით, შეძახილებითა და მანქანების სიგნალებით აღნიშნავდა ევრო 2024-ზე საქართველოს ნაკრების გასვლას.
• 27 მარტს პრეზიდენტ სალომე ზურაბიშვილის გაეგზავნა პრემიერ-მინისტრ ირაკლი კობახიძისა და პარლამენტის თავმჯდომარე შალვა პაპუაშვილის ოფიციალური წარდგინება საქართველოს ნაკრების ფეხბურთელების, მწვრთნელების, ფეხბურთის ფედერაციის ხელმძღვანელობისა და ნაკრების პერსონალის ღირსების ორდენით დაჯილდოების შესახებ.

53-კაციანი სია: მათი ღირსების ორდენით დაჯილდოების მოთხოვნით, კობახიძემ პრეზიდენტს მოგებული მატჩის გამო მიმართა