ახალი ამბები On.ge

Tbilisi Pride

29 მარ, 2024

ბოლო წლების განმავლობაში არაერთხელ ვიხილეთ ლგბტქი საკითხებით მანიპულირების სრულიად უღირსი მცდელობები, რომლებმაც მრავალი ჩვენგანის სხეულებზე გადაიარა, ქვეყნიდან განდევნა თემის უამრავი წევრი, ხოლო ქვეყანაში დარჩენილები სიღარიბისთვის, ძალადობისთვის, ღირსების შემლახველი მოპყრობისა და სიცოცხლის მოსპობისთვის გაწირა.

სწორედ ამ ტენდენციის ნაწილია მმართველი პარტიის ბოლოდროინდელი რიტორიკაც. ამგვარი არაჰუმანური სტრატეგიების მიზნებიც ცხადია: ხელისუფლებამ გადაფაროს ის რეალური პრობლემები, რაც საზოგადოების უმრავლესობისთვის, მათ შორის, ქვიარ თემისთვის, საერთოა — სიღარიბე, უმუშევრობა, ემიგრაცია, ბავშვთა შიმშილი, კორუფცია, გაჩანაგებული და სტიქიების ეპიცენტრად ქცეული გარემო, კლანური სასამართლო, რუსული გავლენები, დაბრკოლებები ევროინტეგრაციის გზაზე და სხვა.

ახლა, როდესაც სახელისუფლებო პარტიას ქართველი ხალხისთვის რეალური პრობლემების გადაჭრის გზების შეთავაზება არ შეუძლია, მან წინასაარჩევნო კამპანიის ღერძად სიძულვილი აირჩია, რადგან მისი ერთადერთი შანსი საზოგადოების გახლეჩასა და კონკრეტული ჩაგრული ჯგუფების დემონიზებაზე გადის — ღირებულებებისგან დაცლილი პოლიტიკოსები სკამებს ებღაუჭებიან, რეალური ადამიანების გაწირვის ფასად. ამ პროცესში კი ზიანდება არამხოლოდ ქვიარ თემი, არამედ მთელი საზოგადოება, რომლის მნიშვნელოვან ნაწილსაც სიძულვილით ნაკვები პოლიტიკის პირობებში ემიგრაციის გარდა თვითგადარჩენის სხვა გზა აღარც რჩება.

ვხედავთ თემის წევრებსა და ფართო საზოგადოებაში გაზრდილ სტრესს, წუხილსა და შფოთვას. გვსურს გითხრათ, რომ ამ გრძელვადიან ბრძოლაში თქვენს სამსახურში ვართ.

ჩვენ გავაგრძელებთ ადამიანების ფუნდამენტური უფლებების დაცვისა და თანასწორობის მიღწევისთვის მუხლჩაუხრელ შრომას. ქვიარ ადამიანების სათქმელს, მათ გამოწვევებსა და გამოცდილებებს მივიტანთ რაც შეიძლება მეტი ადამიანის გულებამდე. მოვიკრებთ მოკავშირეებს და ავაშენებთ სოლიდარობის ხიდებს სხვა უმცირესობებთან და დაუცველ ჯგუფებთან.

იმისთვის, რომ თემი დავიცვათ პოლიტიკური ჰომოფობიისგან და გავაძლიეროთ ადამიანის უფლებების დაცვა, თქვენი დახმარება გვჭირდება. გთავაზობთ მონაწილეობა მიიღოთ ჩვენს სათემო შეხვედრებში, დისკუსიებში და თქვენი შესაძლებლობებისა და ინტერესების მიხედვით ჩაერთოთ პროცესებში.

რაც მტრობას დაუნგრევია, სიყვარულს უშენებია!

— წერია "თბილისი პრაიდის" განცხადებაში. ამით ეხმიანებიან "ქართული ოცნების" მიერ ინიციირებულ ჰომოფობიურ და ტრანსფობიურ კანონპროექტს, რომელიც საკანონმდებლო და საკონსტიტუციო ცვლილებებს ითვალისწინებს.

მოქმედ, 2020 წლის მოწვევის პარლამენტში "ქართული ოცნება" საკონსტიტუციო უმრავლესობას არ ფლობს. საკონსტიტუციო ცვლილებებისთვის მათ დასჭირდებათ საკონსტიტუციო წარმომადგენლობა მომდევნო, 2024 წლის პარლამენტში — მინიმუმ, 113 დეპუტატი.

0 0

კომენტარები

კვირის ტოპ-5

  1. ნიკოლოზ მჟავანაძე: "თქვენი გულის გასახეთქად, მალე ელოდეთ პირდაპირ ეთერებს კრემლიდან"33853 ნახვა
  2. "ოცნების" წარმომადგენლები იმ პირების გვარების დასახელებას ითხოვენ, რომლებიც "ევროკავშირში რეკავდნენ იმის გასარკვევად, სანქციების სიიდან როგორ ამოეშალათ თავი"9777 ნახვა
  3. ჯო უილსონი: "ქართული ოცნების" პრემიერმინისტრმა პრეზიდენტი ტრამპი ცრუ ბრალდებებით დაგმო"9159 ნახვა
  4. ჯო უილსონი: პუტინისთვის ის დრო დასრულდა, როდესაც თავხედურ მოთხოვნებს აყენებდა და ამავდროულად მსხვერპლის როლს თამაშობდა8014 ნახვა
  5. DRI: რუსეთ-უკრაინის ომში ოკუპირებული სამხრეთ ოსეთიდან 27 პირი დაიღუპა და 15 უგზო-უკვლოდაა დაკარგული6917 ნახვა

გირჩევთ

ახლა კითხულობენ

გადახედვა

პაატა ზაქარეიშვილი: ბათუმში ოპოზიციის მერობის კანდიდატი მზია ამაღლობელი, თბილისში კი სალომე ზურაბიშვილი უნდა იყოს

"[ბათუმში] მზია ამაღლობელი უნდა იყოს მერობის კანდიდატი, ეს ჩემი მოსაზრებაა. თბილისში სალომე ზურაბიშვილი", — ამის…

!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~
!"\#$%&'()*+,-./0123456789:;<=>?@ABCDEFGHIJKLMNOPQRSTUVWXYZ[]^_`abcdefghijklmnopqrstuvwxyz{|}~