რა ხდება: დღეს, 26 მარტს, საქართველოსა და საბერძნეთის ეროვნულ ნაკრებებს შორის დინამო არენაზე დაგეგმილი საფეხბურთო მატჩის გამო, თბილისში მეტროსა და ავტობუსების გარკვეული მარშრუტების მუშაობის დრო გახანგრძლივდება.

  • ინფორმაციას თბილისის მერია ავრცელებს.
  • მეტრო მუშაობას 00:00-ის ნაცვლად, 27 მარტის 02:00 საათზე დაასრულებს.

რაც შეეხება ავტობუსებს, 26 მარტის 22:00 საათიდან 27 მარტის 02:00 საათამდე იმოძრავებენ: N301, N306, N308, N310, N311, N314, N315, N320, N326, N327, N331, N337, N342, N345, N352, N358, N359, N364, N378, N381, N384, N386, N388, N391 და N397.

  • ასევე, მერიის ცნობით, მატჩის პარალელურად, პირველი რესპუბლიკის მოედანზე თბილისის მერიისა და საქართველოს ფეხბურთის ფედერაციის მიერ ორგანიზებული ღონისძიება გაიმართება და ტერიტორიაზე ფეხბურთის გულშემატკივრებისთვის დიდი ეკრანი განთავსდება.
  • შეხვედრა 21:00 საათზე დაიწყება, ხოლო პირველი რესპუბლიკის მოედანზე მოწყობილ ზონაში მისვლა გულშემატკივარს 19:00 საათიდან შეეძლება.

ბოლო ხაზი: დღეს, 26 მარტს, დინამო არენაზე საქართველოს ეროვნული ნაკრები საბერძნეთის ეროვნული ნაკრების წინააღმდეგ ევროპის ჩემპიონატის პლეი ოფის ფინალურ მატჩს გამართავს.