მოკლედ: საპარლამენტო უმრავლესობის ლიდერმა მამუკა მდინარაძემ, ნიკა გვარამიას და ნიკა მელიას პოლიტიკურ გაერთიანებაზე განაცხადა, რომ ეს არის "ორი შეწყალებული კრიმინალის ერთობა" და "სალომესგან [ზურაბიშვილი] გასაწყლებული კრიმინალის ერთობა ბარიერს გარანტირებულად ვერ გადალახავს".

  • ამის შესახებ მდინარაძემ დღეს, 20 მარტს, მედიასთან ისაუბრა.

დეტალები: მდინარაძის თქმით, როცა ნიკა გვარამია და ნიკა მელია კოალიციურ მთავრობაზე საუბრობენ, ისინი გულისხმობენ ერთიან ნაციონალურ მოძრაობას, რადგან "თავად მიხეილ სააკაშვილიც კი აღიარებს, რომ სხვა პარტიებს ბარიერის გადალახვის შანსი არ აქვს".

  • "რაღაც აბსტრაქციაში, თუ რომელიმე [ოპოზიციური პარტია] გადალახავს [საარჩევნო ბარიერს], ისინი მზად არიან დალაგდნენ ნაციონალურ მოძრაობასთან, იმიტომ, რომ ქართული ოცნების კოალიციაში არ შემოვლენ", — თქვა მამუკა მდინარაძემ.
  • მდინარაძემ აღნიშნა, რომ ნიკა გვარამიას ამბიციები "დიდი და განუზომელია".
  • "ეს არის ნაციონალური მოძრაობის ერთ-ერთი ლიდერი, სუფთა წარსულით, სუფთა ბექგრაუნდით და მას უნდა ჰქონდეს ამბიციები, როგორც ჩანს. ამას მე ნახევრად ხუმრობით და ირონიით იმიტომ ვამბობ, რომ აქედან ყველაფერი ნათელი ხდება", — განაცხადა მდინარაძემ.

ბოლო ხაზი: 11 მარტს, ერთიანი ნაციონალური მოძრაობის ყოფილმა ლიდერმა ნიკა მელიამ და მთავარი არხის დამფუძნებელმა ნიკა გვარამიამ საერთო ბრიფინგი გამართეს და თქვეს, რომ ერთად იბრძოლებენ 2024 წლის საპარლამენტო არჩევნებში.

  • მათ ბრიფინგზე განაცხადეს, რომ მზად არიან გაერთიანდნენ სხვა პოლიტიკურ პარტიებთანაც.

გაიგე მეტი: ფოკუსში: პარტია ახალი — რა გავიგეთ გვარამიასა და მელიას ახალი თანამებრძოლების ხედვებზე