მოკლედ: 47 საზოგადოებრივი ორგანიზაცია ეხმიანება პრემიერ-მინისტრისა და პარლამენტის თავმჯდომარის განცხადებებს მოსამართლეთა კეთილსინდისიერების შემოწმების შესახებ, სადაც ისინი ამ მექანიზმის შექმნის საკითხს დახურულად აცხადებენ.

• ეს ორგანიზაციები მიიჩნევენ, რომ სასამართლოს გაჯანსაღების თემა ვერ დაიხურება, რადგან ევროკომისიის ეს მოთხოვნა საქართველოსთან წევრობაზე მოლაპარაკების გახსნის მნიშვნელოვანი წინაპირობაა.

გაიგე მეტი: "ეს თემა დახურულია ჩვენთვის" – კობახიძე ვეტინგის შესახებ

დეტალები: მათ განცხადებაში ნათქვამია, რომ:

• ევროკომისია მნიშვნელოვნად მიიჩნევს, გადამოწმდეს იუსტიციის უმაღლესი საბჭოს წევრების, უზენაესი სასამართლოს მოსამართლეების, სასამართლოების თავმჯდომარეების და ამ პოზიციებზე დასანიშნი კანდიდატების კეთილსინდისიერების საკითხი.
• მათი აზრით, სასამართლო სისტემაში წამყვან თანამდებობებზე მყოფი პირების კეთილსინდისიერების და მათ მიერ თანამდებობრივ სარგოსთან შეუთავსებელი ქონების ფლობის შესახებ საფუძვლიანი კითხვები არსებობს.
• ასევე, ახსენებენ აშშ-ის სახელმწიფო დეპარტამენტის მიერ მოსამართლეების სანქცირების შემთხვევასაც.
• არასამთავრობო ორგანიზაციები მიიჩნევენ, რომ პირველ რიგში, ხელისუფლების და თავად მოსამართლეების ინტერესი უნდა იყოს საზოგადოებაში არსებული ყველა კითხვის მოხსნა, რომლებიც მართლმსაჯულების პრობლემებსა და მოსამართლეთა კეთილსინდისიერებას ეხება.
• მათთვის გაურკვეველია, თუ არ არსებობს მოსამართლეთა კეთილსინდისიერების პრობლემა, რატომ ეწინააღმდეგება პოლიტიკური და სასამართლო ხელისუფლება ამ პროცესს.

მსგავსი: სანქცირებული მოსამართლის, ჩინჩალაძის ცოლმა, შვილმა და მამამ, ოჯახის წევრებისგან საჩუქრად 120 ათას დოლარზე მეტი მიიღეს — TI

"წამყვან პოზიციებზე დანიშნული მოსამართლეების და კანდიდატების კეთილსინდისიერების შემოწმების მექანიზმის შექმნის მიზანი მიუკერძოებელი მართლმსაჯულების უზრუნველყოფა და ევროკავშირში გაწევრებაა. შესაბამისად, ხელისუფლება ამ საკითხის დახურვით, ქართველი ხალხის ნების საწინააღმდეგოდ, ევროინტეგრაციის პროცესს რისკის ქვეშ აყენებს", — წერია განცხადებაში.

• ქართული საზოგადოებრივი ორგანიზაციები კიდევ ერთხელ მოუწოდებენ ხელისუფლებას, აღიაროს სასამართლო სისტემაში არსებული პრობლემები და დაიწყოს ევროკომისიის მიერ დამტკიცებული 9 ნაბიჯით გათვალისწინებული პირობების რეალური შესრულება.

ვრცლად: რა წერია ევროკომისიის 9 დათქმაში მართლმსაჯულების შესახებ

განცხადებას ხელს აწერენ:

1. სასამართლოს გუშაგი (Court Watch)
2. საერთაშორისო გამჭვირვალობა - საქართველო
3. დემოკრატიის მცველები
4. სამოქალაქო საზოგადოების ფონდი
5. საქართველოს სამოქალაქო საზოგადოების განვითარების ასოციაცია (ACSDG)
6. სამოქალაქო იდეა
7. ეკო ცენტრი
8. სამოქალაქო ჩართულობისა და აქტივიზმის ცენტრი (CEAC)
9. პრევენცია პროგრესისთვის (PFP)
10. ხანდაზმულ ქალთა ასოციაცია „ღირსეული სიბერე“
11. შშმ ქალთა ალიანსი
12. საქართველოს დემოკრატიული ინიციატივა (GDI)
13. მედიაომბუდსმენი
14. ქალი და განვითარება
15. პარტნიორობა ადამიანის უფლებებისთვის
16. ილიას სამართლის სახლი (ილიასი)
17. საორსა
18. ფენიქსი 2009
19. ადამიანის უფლებათა ცენტრი
20. ევროპულ-ქართული ინსტიტუტი (EGI)
21. საქართველოს რეფორმების ასოციაცია (GRASS)
22. კანონის უზენაესობის ცენტრი
23. შავი ზღვის ეკო-აკადემია (BSEA)
24. მშობელთა კავშირი „ჩვენი შვილები”
25. რეფორმებისა და კვლევის ჯგუფი (RRG)
26. არაფორმალური განათლების ახალგაზრდული ცენტრი „მზიანი სახლი“
27. საზოგადოებრივი ხელოვნების პლატფორმა
28. მრავალეროვანი საქართველო
29. საფარი
30. დემოკრატიის ინდექსი - საქართველო
31. შშმ პირთა ინტეგრაციისა და განვითარების ასოციაცია „ჰანგი“
32. ბავშვთა მენტალური ჯანმრთელობის საქართველოს ასოციაცია
33. პედაგოგთა კავშირი „განათლება და სამყარო“
34. კავკასიის გარემოსდაცვითი არასამთავრობო ორგანიზაციების ქსელი (CENN)
35. დამოუკიდებელი იურისტების ჯგუფი
36. დემოკრატიის კვლევის ინსტიტუტი
37. საუნჯე
38. სამოქალაქო აქტივობისა და თანასწორობის ცენტრი
39. კვლევითი ინსტიტუტი Gnomon Wise
40. ლანჩხუთის ახალგაზრდული მოძრაობა
41. სოფელ კახათის სათემო განათლების და გაძლიერების ცენტრი
42. ღია სივრცე კავკასია (COS)
43. ნეოგენი
44. სამართლისა და საჯარო პოლიტიკის ცენტრი
45. ზემო სვანეთის ადგილობრივი განვითარების ჯგუფი (LAG Mestia)
46. უფლებები საქართველო
47. მწვანე ალტერნატივა

ასევე, ნახეთ: დაასრულებს თუ არა კეთილსინდისიერების შემოწმება სასამართლო კლანს