Tbilisi Open Air თავისუფლების, მრავალფეროვნებისა და მუსიკალური თავგადასავლის 15 წლის იუბილეს აღნიშნავს

Tbilisi Open Air 2024 21, 22, 23 ივნისს ლისი ვანდერლენში გაიმართება და ოთხ სცენას და 60-ზე მეტ არტისტს უმასპინძლებს, მათ შორის: M.I.A. MASEGO. AURORA. ARCHIVE. SHE WANTS REVENGE. ELLEN ALLIEN. SPEEDY J. KEN ISHII. ATMOS. LEBANON HANOVER. CIRCUS MIRCUS. MOKUMOKU. PSYCHONAUT 4. KILLAGES. REGAL. HIGH FADE...

Tbilisi Open Air, ყველაზე დიდი მუსიკალური ფესტივალი სამხრეთ კავკასიის რეგიონში, სიამაყით აღნიშნავს 15 წლის იუბილეს. დაარსების დღიდან 2009 წელს, Tbilisi Open Air დგას თავისუფლების, მრავალფეროვნებისა და ტოლერანტობის სადარაჯოზე. აერთიანებს სხვადასხვა მუსიკალურ ჟანრებს და განსხვავებული ასაკის, სქესისა თუ წარმომავლობის ადამიანს თავს უყრის ერთ სივრცეში.

15 წლის განმავლობაში ფესტივალმა უმასპინძლა ათასზე მეტ არტისტსა და რამდენიმე ასეულ ათას მსმენელს.

2024 წელს Tbilisi Open Air-ს შემოუერთდა თბილისის ღამის კლუბი, KHIDI, რომელიც ღამის სცენის წარმდგენი იქნება ელექტრონული სცენის მეორე წარმომადგენელთან, Zion Garden-თან ერთად.

ბილეთები:

EARLY BIRD:

3-დღიანი აბონემენტი — 150 ლარი (თიბისი VISA სადებეტო ბარათებით გადახდისას — 120 ლარი)

{{ EARLY BIRD-ის ეტაპზე გაიყიდება მხოლოდ ძალიან შეზღუდული რაოდენობის 3-დღიანი აბონემენტები. დღიური ბილეთების გაყიდვა Early Bird-ის ამოწურვის შემდეგ დაიწყება.

მხოლოდ ამ პერიოდში, თიბისი ბანკის VISA სადებეტო ბარათებით შეძენისას, იმოქმედებს 20%-იანი ფასდაკლება. შეთავაზება არ ეხება ბიზნეს და საკრედიტო ბარათებს }}.

I კალათა: 3-დღიანი აბონემენტი — 160 ლარი; — დღიური ბილეთი — 65 ლარი

II კალათა: 3-დღიანი აბონემენტი — 190 ლარი; — დღიური ბილეთი — 80 ლარი

ფესტივალის დღეები/კარზე: 3-დღიანი აბონემენტი — 200 ლარი; — დღიური ბილეთი — 90 ლარი