მალე მაყურებელი ლეგენდარული მუსიკოსის, ბობ დილანის, შესახებ ახალ ბიოგრაფიულ ფილმს იხილავს. ფილმში, სახელად A Complete Unknown, ბობ დილანის როლს ტიმოთი შალამე ასრულებს, ახლახან გავრცელებული ფოტოების მიხედვით კი, ნიუ-იორკში გადაღებები უკვე დაიწყო.

ფოტო: Shutterstock

ბობ დილანის შესახებ ბიოგრაფიულ ფილმს ელაიჯა უორდის წიგნის, Dylan Goes Electric-ის, მიხედვით იღებენ, რეჟისორი კი ჯეიმს მანგოლდია. "ამერიკულ კულტურაში ეს საოცარი დროა, ისევე როგორც ბობის ისტორია. 19 წლის ბობი ნიუ-იორკში 2 დოლარით ჩადის და სამ წელიწადში მსოფლიო სენსაციად იქცევა", — ამბობს ფილმის რეჟისორი.

ფოტო: Shutterstock

A Complete Unknown ბობ დილანის ცხოვრებისა და კარიერის შესახებ მოგვითხრობს. გავრცელებულ ფოტოებში ტიმოთის 1960-იანი წლების სამოსში ვხედავთ, ხელში კი გიტარის ჩანთა უჭირავს. ფილმში ეს სცენები იმ პერიოდის შესახებაა, როცა ბობ დილანი ჯინსებში გამოწყობილი, დიდი ზურგჩანთითა და გიტარით ხელში ნიუ-იორკის ქუჩებში დადიოდა. რეჟისორმა უკვე დაადასტურა, რომ ფილმში ტიმოთი სიმღერებსაც შეასრულებს.

ფოტო: Shutterstock

A Complete Unknown-ის პრემიერის თარიღი ჯერჯერობით უცნობია.