რა ხდება: პროკურატურამ ცხოველის მიმართ სასტიკი მოპყრობის, ასევე, ნარკოტიკული საშუალების და საბრძოლო მასალის უკანონო შენახვის ფაქტებზე, ერთ პირს ბრალდება წარუდგინა.

დეტალები: გამოძიებით დადგინდა, რომ 13 მარტს, ქალაქ თეთრიწყაროში, წარსულში ნასამართლევმა და პირობითი მსჯავრის ქვეშ მყოფმა პირმა, იმის გამო, რომ ქუჩაში ძაღლის ყეფამ გააღიზიანა, ცხოველს ცული ჩაარტყა.

  • შედეგად, ძაღლი დასახიჩრდა.
  • იმავე დღეს, ბრალდებულის სახლიდან, პოლიციამ უკანონოდ შენახული დიდი ოდენობით ნარკოტიკული საშუალება — 130.6 გრამი გამომშრალი მარიხუანა და საბრძოლო მასალა ამოიღო.
  • კაცი 13 მარტსვე დააკავეს.
  • მას 3-დან 6 წლამდე თავისუფლების აღკვეთა ემუქრება.