რა ხდება: 14 მარტს, გამთენიისას, დიდუბის რაიონში, სამტრედიის ქუჩა #2-ში, საცხოვრებელ კორპუსში ძლიერი აფეთქება მოხდა.

  • თბილისის მერიის ინფორმაციით, ამ მისამართზე 93 ოჯახი ცხოვრობს.
  • უწყება ამბობს, რომ წინასწარი ინფორმაციით, არავინ დაშავებულა.
  • ოფიციალურ უწყებებს ჯერ არ განუცხადებიათ, სავარაუდოდ, რა გახდა აფეთქების მიზეზი.

რა ვიცით ოჯახების მდგომარეობაზე: თბილისის მერია ირწმუნება, რომ დაზარალებული მოსახლეობა შენობიდან დროულად გამოიყვანეს.

  • ოჯახების სასტუმროებში დაბინავება დიდუბის რაიონის გამგეობამ უზრუნველყო.
  • მერია: "კორპუსის მდგომარეობის შესწავლის შემდეგ, ცნობილი გახდება, ადგილობრივი მოსახლეობა საცხოვრებლად აღნიშნულ კორპუსს დაუბრუნდება, თუ კორპუსის გამაგრებამდე დროებით ქირით გადაიყვანენ.

ვითარება შემთხვევის ადგილზე: აფეთქებიდან მალევე, ადგილზე მობილიზებულები არიან როგორც შსს-ს საგანგებო სიტუაციების მართვის სამსახურისა და შესაბამისი უწყებების თანამშრომლები, ასევე, თბილისის მერიისა და დიდუბის რაიონის გამგეობის წარმომადგენლები.