მოკლედ: რუსულმა სასამართლომ მიიღო გადაწყვეტილება, ე.წ. კანონიერი ქურდის, შაქრო კალაშოვის ვადამდე გათავისუფლების შესახებ.

  • ამის შესახებ რუსული პროპაგანდისტული გამოცემა TASS სასამართლოს პრესსამსახურზე დაყრდნობით წერს.

დეტალები: სხდომა დახურული იყო.

გამოცემა 112-ის ცნობით, სასამართლომ გადაწყვეტილება პატიმრის ჯანმრთელობის მდგომარეობის გათვალისწინებით მიიღო.

  • ინფორმაცია იმის შესახებ, რომ კალაშოვი აპირებდა ვადამდელი გათავისუფლების მოთხოვნას, ტელეგრამ არხებზე 2023 წლის თებერვალში გავრცელდა.
  • 73 წლის პატიმარი სასჯელს იხდიდა კრასნოდარის მხარეში, უსტ-ლაბინსკის რაიონის სოფელ დვუბრატსკიში.

შაქრო "მალადოი" (ნამდვილი სახელი — ზაქარია კალაშოვი), ერთ-ერთი ყველაზე ცნობილი კრიმინალური ავტორიტეტია.

  • ის 1953 წლის 20 მარტს თბილისში დაიბადა.
  • 1971 წელს კი, თბილისშივე, "კანონიერი ქურდი" გახდა.
  • 1980-იანი წლებიდან ის მოსკოვში გადავიდა საცხოვრებლად.

კალაშოვი არაერთხელ გაასამართლეს, მათ შორის — საქართველოშიც.

  • კრიმინალური ავტორიტეტის, "ძედ ხასანის" (ასლან უსოიანი) მკვლელობის შემდეგ, 2013 წელს, შაქრო კალაშოვი, კრიმინალური სამყაროსთვის "რუსეთში #1 კანონიერი ქურდი" გახდა.
  • 2018 წლის მარტში კალაშოვი დამნაშავედ ცნეს გამოძალვაში: 8 მილიონი რუბლი მან მოსკოვში, კაფე Elements-ის მფლობელს, ჟანა კიმს გამოსძალა, 10 მილიონი რუბლი კი —Nordneftgaz-ის დირექტორის, ლევ გარამოვს.
  • სასამართლომ მას 9 წლითა და 10 თვით თავისუფლების აღკვეთა მიუსაჯა.