მოკლედ: თბილისის მერიის ინფორმაციით, 9 მარტიდან 18-მეტრიანი ავტობუსი N314 მარშრუტზე იმოძრავებს.

დეტალები: მერიის მიხედვით, ავტობუსები გათვლილია 162 მგზავრზე, აქედან 43 დასაჯდომი ადგილით.

  • ავტობუსები სრულად ადაპტირებულია შშმ პირებისთვის: სალონში გამოყოფილია სპეციალური სივრცე ეტლის უსაფრთხოდ დასაყენებლად, ასევე, აქვს გადმოსაშლელი პანდუსი;
  • ავტობუსში დამონტაჟებულია თანამედროვე სტანდარტის, გათბობის, კონდიცირებისა და ვენტილაციის ინტეგრირებული სისტემა, რომელიც გათვლილია თბილისის კლიმატურ პირობებზე.
  • ავტობუსები აღჭურვილია ხმოვანი საინფორმაციო, ასევე, შიდა და გარე ვიდეომონიტორინგის, მართვისა და უსაფრთხოების სხვა თანამედროვე სისტემებით.
  • ასევე, განთავსებულია მობილურის დასატენი წერტილები და WIFI მოწყობილობა.

ბოლო ხაზი: თბილისის მერიის თქმით, 18-მეტრიანი 160 ერთეული ავტობუსი მუნიციპალიტეტმა სატრანსპორტო რეფორმის ფარგლებში შეისყიდა.

  • ახალი ავტობუსები N302-ისა და N308-ის მგზავრებს უკვე ემსახურებიან.
  • დაგეგმილია 18-მეტრიანი ავტობუსების გადანაწილება N301 მარშრუტზეც.