რა ხდება: რევაზ ჯაველიძე საქართველოს მთავრობის ადმინისტრაციის ხელმძღვანელის თანამდებობიდან გათავისუფლებულია. შესაბამის ბრძანებას პრემიერ-მინისტრმა ირაკლი კობახიძემ ხელი მოაწერა დღეს, 2024 წლის 1-ელ მარტს.

ფოტო: gov.ge

რა ვიცით ჯაველიძეზე: 2022 წლის მაისში ის ამ თანამდებობაზე იმდროინდელმა პრემიერ-მინისტრმა, ირაკლი ღარიბაშვილმა დანიშნა.

  • მანამდე, რევაზ ჯაველიძე მთავრობის ადმინისტრაციის უფროსის მოადგილისა და მთავრობის საპარლამენტო მდივნის თანამდებობას იკავებდა.
  • სხვადასხვა პერიოდში იყო საქართველოს სპორტისა და ახალგაზრდობის საქმეთა მინისტრის მოადგილე, ასევე საერთაშორისო კომპანიებში სხვადასხვა თანამდებობაზე.
  • რევაზ ჯაველიძე ტეხასის უნივერსიტეტის სამართლის სკოლის მაგისტრია.

ვინ შეცვლის: ასევე, კობახიძის ბრძანებით, ამ თანამდებობაზე დღეიდანვე შეუდგება მოვალეობის შესრულებაზე ილია შამუგია.

  • ის კობახიძესთან დაახლოებული პირია და საპარლამენტო საქმიანობის პერიოდში კობახიძის კაბინეტის უფროსი იყო.

ბოლო ხაზი: ახლახან დატოვა თანამდებობა ღარიბაშვილის კიდევ ერთმა კადრმა, ნინო გიორგობიანმა, რომელიც მთავრობის სტრატეგიული კომუნიკაციების დეპარტამენტის უფროსი იყო.