იაპონური რეკლამები, ალბათ, ყველას გექნებათ ნანახი და შესაბამისად, ისიც გეცოდინებათ, რომ ამ ქვეყნის სარეკლამო კულტურა ყველასგან გამორჩეული და უცნაურია.

ეს სარეკლამო რგოლი, ერთი შეხედვით, ჩვეულებრივი იაპონური ნონსენსია, მაგრამ ბოლოს, როცა გაიგებთ, რისი რეკლამაა, დაგვეთანხმებით, რომ ძალიან სასაცილო და კრეატიულია.

ვიდრე ვიდეოს ნახავთ, მოდით ცოტა ვითამაშოთ და ვნახოთ, გამოიცნობთ თუ არა რისი რეკლამა შეიძლება იყოს ეს.

პირველ კადრში ვხედავთ, რომ უამრავი ადამიანი რაღაც სივრცეში არიან ჩალაგებულები, ერთმანეთზე ხელები აქვთ ჩაჭიდებული და თითქოს რაღაც საფრთხეს ელიან.

ფოტო: Spoon Inc.

პირველი განსაცდელიც არ აყოვნებს და ერთ-ერთ მათგანს სახეზე ჩიტი ასკლინტავს.

ფოტო: Spoon Inc.

ამის მერე მეორე ექსტრემალური სიტუაცია იქმნება. ცეცხლი!

ფოტო: Spoon Inc.

"გაიღვიძეთ! ხანძარია!", ყვირის ერთ-ერთი მათგანი.

ფოტო: Spoon Inc.

ცეცხლს მალევე მოსდევს თოვლი და ყინვა.

ფოტო: Spoon Inc.

"არ დაიძინო, თორემ მოკვდები", ურჩევს ერთი მეგობარი მეორეს.

ფოტო: Spoon Inc.

ამას კი მოსდევს, წვიმა, მიწისძვრა და კიდევ ათასი უბედურება.

ბოლოს კი ვხედავთ სლოგანს: "ძალა ერთობაშია!" (შენიშვნა: სლოგანის ადაპტირებულია).

ფოტო: Spoon Inc.

ახლა კი, შეგახსენებთ შეკითხვას - თქვენი აზრით, რისი რეკლამა შეიძლება იყოს ეს?

პასუხები დაგვიწერეთ კომენტარებში, ხოლო შემდეგ ნახეთ ვიდეო და თქვენივე კომენტარის რიფლაიში დაწერეთ (რომ სხვებმა ვერ ნახონ და თვითონაც გამოიცნონ), სწორად მიხვდით თუ ვერა.