მოკლედ: ნინო გიორგობიანი, რომელსაც საქართველოს მთავრობის სტრატეგიული კომუნიკაციების დეპარტამენტის უფროსის თანამდებობა ეკავა, საქართველოს შინაგან საქმეთა მინისტრის ვახტანგ გომელაურის მრჩევლად დაინიშნა.

  • ის უკვე რამდენიმე დღეა ახალ თანამდებობაზე მუშაობს.

დეტალები: ნინო გიორგობიანი, ირაკლი ღარიბაშვილის პრემიერ-მინისტრობის დროს, თითქმის სამი წელი მთავრობის სტრატეგიული კომუნიკაციების დეპარტამენტის უფროსის თანამდებობაზე მუშაობდა.

  • მას შემდეგ, რაც პრემიერ-მინისტრად ირაკლი კობახიძე დაინიშნა, მთავრობის სტრატეგიული კომუნიკაციების დეპარტამენტის უფროსი მიშა ფეიქრიშვილი გახდა, რომელიც ტელეკომპანია იმედის საინფორმაციო სამსახურის ხელმძღვანელი იყო.
  • მთავრობის ადმინისტრაციაში გადასვლამდე, ნინო გიორგობიანი შსს-ში იგივე თანამდებობაზე მუშაობდა.
  • მან სამთავრობო სტრუქტურებში მუშაობა პარტია ქართული ოცნების ხელისუფლებაში მოსვლის შემდეგ დაიწყო. იქამდე კი, სხვადასხვა დროს, მუშაობდა ავიაკომპანია ჯორჯიან ეარვეისში, იყო რუსთავი 2-ისა და საზოგადოებრივი მაუწყებლის ჟურნალისტი.