მოკლედ: სუს-ის ანტიკორუფციულმა სააგენტომ წალენჯიხის მუნიციპალიტეტის მერიის 2 თანამშრომელი დააკავა, წინასწარი შეთანხმებით ჯგუფის მიერ დიდი ოდენობით ქრთამის აღების ფაქტზე.

დეტალები: სახელმწიფო უსაფრთხოების სამსახურის მიხედვით, დაბა ჯვარში მდებარე 1550 კვ/მ მიწის ნაკვეთის აუქციონზე გამოტანის სანაცვლოდ, მათ მოქალაქეს ქრთამის სახით მოსთხოვეს და გამოართვეს 20 000 ლარი.

  • გამოძიება სისხლის სამართლის კოდექსის 338-ე მუხლის მეორე ნაწილის „ბ“ და „გ“ ქვეპუნქტებით მიმდინარეობს.
  • ეს მუხლები, სასჯელის სახით, ითვალისწინებს თავისუფლების აღკვეთას ვადით 7-დან 11 წლამდე.