მოკლედ: გარდაცვალებამდე ცოტა ხნით ადრე, მიღებულ იქნა გადაწყვეტილება, ალექსეი ნავალნის გაცვლასთან დაკავშირებით.

  • ნავალნის თანამებრძოლის, მარია პევჩიხის თქმით, პოლიტიკოსი ფსბ-ს ოფიცერზე, ვადიმ კრასიკოვზე უნდა გადაეცვალათ, რომელიც ჩეჩენი საველე მეთაურის, ზელიმხან ხანგოშვილის მკვლელობის გამო სასჯელს ბერლინში იხდის.

დეტალები: პევჩიხის თქმით:

  • ამ გაცვლაზე, ნავალნის თანამებრძოლები, 2 წლის განმავლობაში მუშაობდნენ, უკრაინაში ომის დაწყების შემდეგ.
  • გეგმის შესრულებაში, ნავალნის კორუფციასთან ბრძოლის ფონდს ეხმარებოდა გამომძიებელი ხრისტო გროზევი, ასევე, პოლიტიკოსები და მსხვილი ბიზნესმენები, რომლებსაც ვინაობის გამჟღავნება არ სურთ.
  • მისივე ინფორმაციით, კრასიკოვზე სერგეი ნავალნისა და ამერიკის 2 მოქალაქის გადაცვლა პუტინს თებერვლის დასაწყისში შესთავაზეს.
  • ის, რომ პუტინს კრასიკოვის რუსეთისთვის გადაცემა სურდა, პუტინმა ტაკერ კარლსონთან ინტერვიუშიც აღნიშნა, თუმცა რუსეთის პრეზიდენტის საუბრობდა ამერიკელ ჟურნალისტზე ევან გერშკოვიჩზე და არა — ნავალნიზე. გერშკოვიჩი The Wall Street Journal-ის რეპორტიორია, რომელიც, "ჯაშუშობის“ ბრალდებით, 2023 წლის მარტში დააკავეს.
  • პევჩიხის თქმით, ნავალნიზე გაცვლის წინადადება პუტინს რომან აბრამოვიჩმა შესთავაზა.
  • ნავალნის თანამებრძოლი ამბობს, შეატყობინეს, რომ მოლაპარაკება გაცვლის თაობაზე, 15 თებერვლის საღამოს, ფინალურ ეტაპზე იყო — ერთი დღით ადრე, ვიდრე ნავალნის გარდაცვალების შესახებ გახდებოდა ცნობილი.

პევჩიხი მიიჩნევს, რომ პუტინმა გადაწყვიტა ნავალნის მოკვლა, მას შემდეგ, რაც გაიგო, რომ კრასიკოვზე გაცვლის რეალური შესაძლებლობა არსებობდა.

მისივე თქმით, პუტინი არ აღმოჩნდა მზად ოპოზიციონერი პოლიტიკოსის გასათავისუფლებლად და აპირებს, კრასიკოვის სანაცვლოდ, სხვა პატიმრების შეთავაზებას.

  • მარია პევჩიხს, ამ ვერსიის დასადასტურებლად, არანაირი დოკუმენტაცია, ან მტკიცებულება არ წარმოუდგენია.