მოკლედ: ცნობილი რუსი ბლოგერები ვიდეო მიმართვებს ავრცელებენ, სადაც ხელისუფლებისგან მოითხოვენ, ალექსეი ნავალნის ცხედარი ოჯახს გადასცენ.

  • "რაც უფრო დიდხანს მალავს ხელისუფლება ცხედარს, მით უფრო ნათლად ხვდება ყველა, რომ ისინი [ხელისუფლება] მალავენ მტკიცებულებებს", — ამბობენ ბლოგერები.

დეტალები: ასეთი ვიდეო ჩაწერა Pussy Riot-ის, რუსული ფემინისტური საპროტესტო და პერფორმანსული ხელოვნების ჯგუფის დამფუძნებელმა, ნადეჟდა ტოლოკონნიკოვამ.

  • ასევე, მსახიობმა ტატიანა ლაზარევამ
  • მუსიკოსებმა : ანდრეი მაკარევიჩმა, Noize MC-მ;
  • ისტორიკოსმა თამარა ეიდელმანმა.

გაიგე მეტი: პუტინის რუსეთმა ჯიხურებიდან გააქრო გაზეთი, რომელმაც ყდაზე ალექსეი ნავალნის ფოტო დაბეჭდა

კონტექსტი: 22 თებერვალს ალექსეი ნავალნის დედამ ლუდმილა ნავალნაიამ განაცხადა, რომ შვილის ცხედარი აჩვენეს, თუმცა დასაკრძალად არ გადასცეს.

  • მისი თქმით, მოთხოვნაა, გარდაცვლილი პოლიტიკოსი ჩუმად დაიკრძალოს, რაზეც ოჯახი უარს ამბობს.
  • "გამომძიებელმა ვარაპაევმა ღიად მითხრა — დრო თქვენს სასარგებლოდ არ მუშაობს, ცხედარი იხრწნება", — ამბობს ლუდმილა ნავალნაია.

ბოლო ხაზი: 2024 წლის 16 თებერვალს რუსეთის ფედერალური სასჯელაღსრულების სამსახურმა გაავრცელა ცნობა, რომ ოპოზიციონერი პოლიტიკოსი, ალექსეი ნავალნი სპეციალური რეჟიმის კოლონიაში გასეირნების შემდეგ გარდაიცვალა.

  • გარდაცვალების მიზეზი, ჯერჯერობით, უცნობია.
  • ოპოზიციონერის თანამოაზრეები მიიჩნევენ, რომ ის მოკლეს და კრემლი დანაშაულის კვალის დამალვას ცდილობს.

მსგავსი: რუსეთში დააკავეს მღვდელი, რომელსაც სურდა, ნავალნისთვის პანაშვიდი გადაეხადა