მოკლედ: ამერიკის შეერთებულმა შტატებმა VTB ბანკის ხელმძღვანელი ანდრეი კოსტინი რუსეთის წინააღმდეგ დაწესებული სანქციების დარღვევაში დაადანაშაულა.

  • ასევე, ცნობილი რუსი ბანკირი, რომელიც რუსეთის უმდიდრეს ადამიანთა სიაში იყო და კოსტინს ეხმარებოდა, დააკავეს.
  • ინფორმაციას ეხო კავკაზა ავრცელებს.

დეტალები: კერძოდ, ბრალდებები ეხება ბანკირის საკუთრებაში არსებული ორი იახტის მოვლა-პატრონობას, რომელთა ღირებულებაც 150 მილიონ დოლარს შეადგენს და — ასევე, სახლს საკურორტო ქალაქ ასპენში, კოლორადოში.

  • Reuters-ის ცნობით, აშშ-ში დააკავეს ანდრეი კოსტინის ორი თანამშრომელი. ვადიმ ვოლფსონს და გენონ ბონდს ბრალად ედებათ კოლორადოს სახლის მოვლაში დახმარება და ასევე, დამალვა, რომ სახლის მეპატრონე კოსტინია. გვარის ვოლფსონი უკან დგას ცნობილი რუსი ბანკირი, ბანკ ოტკრიტიეს მფლობელი ვადიმ ბელიაევი, რომელმაც გვარი შეიცვალა.
  • 2016 წელს ჟურნალმა Forbes-მა ბელიაევი რუსეთის 200 უმდიდრესი ადამიანის სიაში შეიყვანა და მისი ქონება 400 მილიონ დოლარად შეაფასა. ოტკრიტიე მაშინ ერთ-ერთი უმსხვილესი კერძო ბანკი იყო რუსეთში, ერთი წლის შემდეგ კი ის, ფაქტობრივად, ნაციონალიზებულ იქნა.
  • "აშშ-ს იუსტიციის დეპარტამენტი მაქსიმალურად ცდილობს, შეაჩეროს უკანონო სახსრების ნაკადი, რომელიც ხელს უწყობს პუტინის ომს. ვინც გააგრძელებს პუტინის ინტერესებით მოქმედებას, პასუხისგებაში მიეცემა", — თქვა აშშ-ს გენერალურმა პროკურორმა მერიკ გარლანდმა.

ბოლო ხაზი: ანდრეი კოსტინს აშშ-მა სანქციები, ჯერ კიდევ 2018 წელს დაუწესა.