მოკლედ: საქართველოს განათლების, მეცნიერების და ახალგაზრდობის სამინისტროს ინფორმაციით, შეფასებისა და გამოცდების ეროვნული ცენტრის (Naec.ge) დირექტორის თანამდებობაზე ნინო წერეთელი დაინიშნა.

ფოტო: საქართველოს განათლების, მეცნიერების და ახალგაზრდობის სამინისტრო

დეტალები: განათლების მინისტრმა, გიორგი ამილახვარმა ცენტრის თანამშრომლებს ახალი ხელმძღვანელი სამუშაო შეხვედრაზე დღეს, 20 თებერვალს წარუდგინა.

  • განათლების სამინისტროს მიხედვით, ნინო წერეთელს განათლების სფეროში მუშაობის 20-წლიანი გამოცდილება აქვს.
  • სხვადასხვა დროს ის მუშაობდა როგორც განათლებისა და მეცნიერების სამინისტროში, ასევე, განათლების ხარისხის განვითარების ეროვნულ ცენტრში.
  • 2019 წლიდან დღემდე იკავებდა საქართველოს განათლების, მეცნიერებისა და ახალგაზრდობის სამინისტროს უმაღლესი განათლების განვითარების დეპარტამენტის უფროსის თანამდებობას.

ბოლო ხაზი: 2023 წლის 6 დეკემბერს შეფასებისა და გამოცდების ეროვნული ცენტრის დირექტორმა სოფიო გორგოძემ განაცხადა, რომ 1-ლი იანვრიდან დირექტორის მოვალეობას აღარ შეასრულებდა.

  • სოფიო გორგოძე დირექტორის პოზიციას 5 წლის განმავლობაში იკავებდა.