მოკლედ: ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ის არ დაემორჩილება საერთაშორისო ზეწოლას, რაფაში სამხედრო ოპერაციების შეჩერების შესახებ.

  • მისი თქმით, "ვისაც არ სურს ჩვენი მოქმედებები რაფაში, გულისხმობენ, რომ ისრაელმა ომი უნდა წააგოს".

დეტალები: ნეთანიაჰუს განცხადება გავრცელდა მას შემდეგ, რაც შაბათს მიუნხენში გაიმართა მაღალი დონის შეხვედრები საერთაშორისო დიპლომატებს შორის, რათა ღაზაში ცეცხლის შეწყვეტის შესაძლებლობა განეხილათ.

  • მოლაპარაკებებში მთავარმა მედიატორმა, კატარმა, მიუნხენის უსაფრთხოების კონფერენციაზე თქვა, რომ ბოლო კვირების პროგრესის შემდეგ, უკვე რამდენიმე დღეა, მოლაპარაკებები ღაზაში ცეცხლის შეწყვეტის შესახებ, აღარ მიდის ისე, როგორც მოსალოდნელი იყო.
  • ნეთანიაჰუ ამბობს, რომ შეთანხმების მიღწევა შესაძლებელია მხოლოდ პირდაპირი მოლაპარაკებების გზით მხარეებს შორის, "წინაპირობების გარეშე".

კონტექსტი: ისრაელის თავდაცვის მინისტრმა პარასკევს განაცხადა, რომ ისრაელი გეგმავს სამხედრო შეტევას ღაზას სამხრეთით მდებარე ქალაქ რაფაში.

  • აშშ-ის პრეზიდენტმა ჯო ბაიდენმა მოუწოდა ისრაელს, არ განახორციელოს ოპერაცია მშვიდობიანი მოსახლეობის დაცვის "სანდო" გეგმის გარეშე და ამის ნაცვლად, ფოკუსირება მოახდინოს ცეცხლის შეწყვეტაზე.
  • რაფას, დაახლოებით 1,4 მილიონი პალესტინელი, ღაზას მოსახლეობის ნახევარზე მეტი აფარებს თავს. მათი უმეტესობა აქ ჩრდილოეთიდან გამოიქცა, როდესაც ისრაელმა მათ სამხრეთისკენ ევაკუაცია მოსთხოვა.

პროტესტები თელ-ავივში: ნეთანიაჰუ მზარდ ზეწოლას განიცდის ქვეყნის შიგნითაც.

  • გუშინ, 18 იანვარს ათასობით ადამიანი გამოვიდა თელ-ავივის ქუჩებში, ისინი მთავრობის გადადგომას მოითხოვენ.
  • პროტესტის მონაწილეებსა და პოლიციას შორის დაძაბულობა მაღალი იყო, თუმცა არავინ დაუკავებიათ.

რა ხდება ახლა ღაზაში: ავიადარტყმების სერიის შემდეგ, დეირ ალ-ბალაში, რომელიც ღაზას ცენტრალურ ნაწილში მდებარეობს, 40-ზე მეტი ადამიანი დაიღუპ.

  • პალესტინური წყაროების ინფორმაციით, ბომბები საავადმყოფოსთან ახლოს ჩამოცვივდა.
  • ისრაელის შეიარაღების მტკიცებით, მათ ჰამასის ინფრასტრუქტურას დაარტყეს.