ფეისბუქ-ჯგუფ "დაიტოვეს" ადმინის, ილია ღლონტის სახლში ჩხრეკა ტარდება. მის სახლში შსს-ს თანამშრომლები ცოტა ხნის წინ მივიდნენ.

როგორც ადგილზე შსს-ს თანამშრომელმა განაცხადა, გამოძიება დაწყებულია ჯგუფური ძალადობის ორგანიზებისა და არეულობისკენ მოწოდებისთვის და ჩხრეკაც ამ მიზნით ტარდება.

ილია ღლონტის სახლში იმყოფება ელენე ხარიბეგაშილი, რომელსაც "ლაივი" აქვს ჩართული და შსს-ს თანამშრომლები ჩხრეკას ფეისბუქ-ლაივის მაყურებლებიც ადევნებენ თვალს.

ჩხრეკის შედეგად, შსს-ს თანამშრომლებმა ილია ღლონტის სახლიდან ამოიღეს ლეპტოპი და მობილური ტელეფონი.

როგორც ცნობილია, ილია ღლონტი აქტიურადაა ჩართული საპროტესტო აქციების ორგანიზებაში.

ინფორმაცია განახლდება.