ამ წუთებში შსს ოთხ ადგილზე ატარებს ჩხრეკას: ფეისბუქ-ჯგუფ დაიტოვეს ადმინის, ილია ღლონტის სახლში, UNDP-ის პროგრამის მენეჯერის, ქეთი სხირელის სახლში, პარტია ახალის ოფისში და ენმ-ს ახალგაზრდულ ოფისში.

დაახლოებით ერთი საათის წინ სამართალდამცავები ფეისბუქ-ჯგუფ დაიტოვეს ადმინის, ილია ღლონტის სახლში შევიდნენ. როგორც ადგილზე შსს-ს თანამშრომელმა განაცხადა, გამოძიება დაწყებულია ჯგუფური ძალადობის ორგანიზებისა და არეულობისკენ მოწოდებისთვის და ჩხრეკაც ამ მიზნით ტარდება.

ამის პარალელურად ფეისბუქში გავრცელდა ინფორმაცია, რომ შსს-ს თანამშრომლები UNDP-ის პროგრამის მენეჯერის, ქეთი სხირელის სახლშიც შევიდნენ. ამის შესახებ ქეთი სხირელმა ამის შესახებ საკუთარ ფეისბუქ-გვერდზე დაწერა.

შემდეგ სამართალდამცავების ახალის ოფისში შესვლის შესახებ ინფორმაცია ახალის დამფუძნებელმა, ნიკა გვარამიამ გაავრცელა, მისი ვარაუდით, სამართალდამცავებმა ოფისი იმიტომ დაგტოვეს, რომ ჩხრეკის ორდერი არ ჰქონდათ.

ამის შემდეგ, შსს-ს წარმომადგენლები ენმ-ს ახალგაზრდულ ოფისში შევიდნენ. ადგილზე მივიდნენ ერთიანი ნაციონალური მოძრაობის წევრები სოფო ჯაფარიძე და ლევან ხაბეიშვილი. ისინი შსს-ს წარმომადგენლებს ჩხრეკის ორდერს სთხოვენ.

ამ წუთებში ვრცელდება ინფორმაცია, რომ სამართალდამცავები პარტიების — დროას და გირჩის ოფისებშიც შევიდნენ.