ჰარვარდის უნივერსიტეტის ქართველი კურსდამთავრებულები და "საქართველოს ჰარვარდის კლუბის" წევრები განცხადებას აქვეყნებენ, სადაც ეხმაურებიან საქართველოს პრემიერმინისტრის, ირაკლი კობახიძის მიერ გაჟღერებულ გადაწყვეტილებას, რომ "ოცნება" საქართველოს ევროინტეგრაციის მოლაპარაკებების დაწყების პროცესს 2028 წლამდე აჩერებს.

განცხადებაში აღნიშნულია, რომ "ეს გადაწყვეტილება საქართველოს მოსახლეობის უმრავლესობის ევროპულ არჩევანს ძირს უთხრის და ქართველი ხალხის ევროპულ ღირებულებებს ეწინააღმდეგება".

"ჩვენ, ჰარვარდის უნივერსიტეტის ქართველი სტუდენტები, კურსდამთავრებულები და "საქართველოს ჰარვარდის კლუბის" წევრები, ვაცხადებთ, რომ ვემიჯნებით საქართველოს მთავრობის გადაწყვეტილებას ჩვენი ქვეყნის ევროკავშირში ინტეგრაციის პროცესის შეჩერების თაობაზე. ეს გადაწყვეტილება ძირს უთხრის საქართველოს მოსახლეობის უმრავლესობის ევროპულ არჩევანს და ეწინააღმდეგება ქართველი ხალხის ევროპულ ღირებულებებს, მის ისტორიულ ბრძოლას კუთვნილი ადგილის დასამკვიდრებლად ევროპის სივრცეში, რაც შეუქცევადად განმტკიცებულია საქართველოს კონსტიტუციის 78-ე მუხლით. ასევე, განსაკუთრებით შემაშფოთებელია, რომ ბოლო პერიოდში საქართველოს მთავრობის მიერ განხორციელებულმა წინააღმდეგობრივმა ქმედებებმა გამოიწვია ამერიკის შეერთებული შტატების მიერ ჩვენს ქვეყნებს შორის არსებული სტრატეგიული პარტნიორობის ქარტიის მოქმედების შეჩერება, რაც უპრეცედენტო რეგრესია საქართველოს ევროატლანტიკური ინტეგრაციის გზაზე და საფრთხეს უქმნის ჩვენი ქვეყნის დამოუკიდებლობას.

მოვუწოდებთ საქართველოს მთავრობას, პატივი სცეს ქართველი ხალხის ნებას, მის სწრაფვას თავისუფლებისკენ და ევროპული მომავლის განსამტკიცებლად, უარი თქვას ძალადობაზე მშვიდობიანი მანიფესტანტების და მედიის წარმომადგენლების წინააღმდეგ, და გაითვალისწინოს ჩვენი ქვეყნის მეგობრების მოწოდებები, რათა საქართველო დაუბრუნდეს განვითარების პოზიტიურ დღის წესრიგს", — ვკითხულობთ ჰარვარდის უნივერსიტეტის ქართველი სტუდენტების მიერ გავრცელებულ განცხადებაში.

ხელმოწერები:

  1. მირიან ხაბურზანია

  2. სოფიო ფანჯიკიძე

  3. მერი გაბაშვილი

  4. თეა გერგედავა

  5. ირაკლი კილაურიძე

  6. მარი კუტუბიძე

  7. ეკატერინე ეგუტია

  8. გენო მალაზონია

  9. გელა ბეჟუაშვილი

  10. თამარ ღონღაძე

  11. მარეხ ხმალაძე

  12. ნანა ღიბრაძე

  13. ლუკა კალანდარიშვილი

  14. ია წეროძე

  15. ეკატერინე გურეშიძე

  16. თეა სიფრაშვილი

  17. გიორგი ჩლაიძე

  18. თამარ რუსეიშვილი

  19. მამუკა ხაზარაძე

  20. მერი ჩაჩანიძე

  21. არჩილ გიორგაძე

  22. დიმიტრი გვინდაძე

  23. ანასტასია ლელაძე

  24. სოფო ტყემალაძე

  25. თამარ ჩუგოშვილი