პარტია "დროას" ოფისთან, სადაც პოლიცია ჩხრეკას ატარებს, სამართალდამცველებმა კოალიცია ცვლილებისთვის ერთ-ერთი ლიდერი ნიკა გვარამია და კოალიციის წევრი გელა ხასაია დააკავეს.

ფაქტს წინ უძღოდა სიტყვიერი და ფიზიკური დაპირისპირება. შელაპარაკება მოჰყვა გვარამიას მოთხოვნას, რომ როგორც წარმომადგენელი, ოფისში შეუშვან, რათა ჩხრეკას დააკვირდეს, რის შესაძლებლობასაც მას პოლიციის წარმომადგენლები არ აძლევდნენ.

სამართალდამცველებმა მას უთხრეს, რომ საგამოძიებო მოქმედებები უკვე დაწყებულია, ადგილზე იმყოფება წარმომადგენელიც და ხელის შეშლის შემთხვევაში კანონის შესაბამისად იმოქმედებენ.