მივმართე საქართველოს შსს აკადემიის რექტორს პატაკით, დავტოვო შსს აკადემიის ტაქტიკური მომზადების სამსახურის უფროსი ინსტრუქტორის თანამდებობა და დავეთხოვო შსს სამინისტროს სისტემიდან, — ამის შესახებ შსს-ს აკადემიის ტაქტიკური მომზადების სამსახურის უფროს, გიორგი გაბეხაძე წერს.

"დღეს, 2024 წლის 2 დეკემბერს, მივიღე ერთ-ერთი მძიმე, თუმცა, გონებით და შინაგანი რწმენით ნაკარნახევი გადაწყვეტილება, მივმართე საქართველოს შსს აკადემიის რექტორს პატაკით, დავტოვო შსს აკადემიის ტაქტიკური მომზადების სამსახურის უფროსი ინსტრუქტორის თანამდებობა და დავეთხოვო შსს სამინისტროს სისტემიდან", — წერს შსს-ს აკადემიის ტაქტიკური მომზადების სამსახურის უფროს, გიორგი გაბეხაძე სოციალურ ქსელში.

გიორგი გაბეხაძის გადაწყვეტილებას სოციალურ ქსელში პრეზიდენტი გამოეხმაურა.

სალომე ზურაბიშვილი წერს, რომ შინაგან საქმეთა სამინისტროდან გამოჩნდა პირველი მერცხალი!

"შინაგან საქმეთა სამინისტროდან გამოჩნდა პირველი მერცხალი! ეს კი რეპრესიული აპარატის ნგრევის უტყუარი წინამორბედი ნიშანია! სახელმწიფო თქვენ ხართ, ვინც ყველა უწყებაში და რა თანამდებობაზე არ უნდა იყოთ თქვენს სამშობლოს პირად კარიერულ ინტერესზე მაღლა აყენებთ!" — წერს პრეზიდენტი სალომე ზურაბიშვილი.