შინაგან საქმეთა სამინისტროს ინფორმაციით, ჯგუფური ძალადობის ორგანიზების, ან მასში მონაწილეობის და ძალადობრივი ქმედებისკენ საჯაროდ მოწოდების ფაქტებზე გამოძიება დაიწყო. შსს-ს განცხადებით, დედაქალაქში მიმდინარე აქცია გასცდა კანონით გათვალისწინებული მანიფესტაციის ფარგლებს და ძალადობრივი ხასიათი მიიღო, რაც, მათი მტკიცებით, ორგანიზებულ და ინტენსიურ ხასიათს ატარებს, შსს განმარტავს, რომ მოძალადე ჯგუფების მიერ ზიანდება ადამიანების ჯანმრთელობა და ინფრასტრუქტურა.

შსს-ს ინფორმაციით, 150-ზე მეტმა პოლიციის თანამშრომელმა, არაერთმა მოქალაქემ და მედიის წარმომადგენელმა სხეულის დაზიანება მიიღეს. შსს-ს განცხადებით, გამოძიება სისხლის სამართლის კოდექსის 225-ე და 239-ე პრიმა მუხლებით მიმდინარეობს, დაკავებულია 7 პირი, ჩადენილი დანაშაულები 9 წლით თავისუფლების აღკვეთას ითვალისწინებს.

შსს-ს მტკიცებით, გადაუდებელი აუცილებლობის გამო ჩატარდა 6 პირის პირადი და საცხოვრებელი ადგილების ჩხრეკა, პოლიციის განმარტებით, ჩხრეკა ჩატარდა, ნაციონალური მოძრაობის, ორგანიზაცია ჯიუტების, პარტია გირჩის, დროას ოფისებში. შსს-ს ინფორმაციით, ამოღებულია დიდი რაოდენობით პიროტექნიკა, აირწინაღები, ჩაფხუტები, ელექტროგადამცემი მოწყობილები, კომპიუტერები. ე.წ. მოლოტოვის კოქტეილები, საღებავები.

შსს-ს ინფორმაციით, გამოძიება მიმდინარეობს საქართველოს სისხლის სამართლის კოდექსის 187-ე და 353-ე პრიმა მუხლებით, დაკავებულია 6 პირი, ჩადენილი დანაშაულები 7 წლით თავისუფლების აღკვეთას ითვალისწინებს.