საქართველოს ბანკის სტიპენდიატი, რომელიც Fulbright-ის პროგრამით სწავლის შემდეგ Amazon-ში მუშაობს
საქართველოს ბანკი განათლების შესაძლებლობების შექმნას განაგრძობს. სწორედ ამ მიზნით, ფინანსური ინსტიტუტი 2014 წლიდან Fulbright-ის სასტიპენდიო პროგრამასთან თანამშრომლობს. ინიციატივის ფარგლებში, საქართველოს ბანკი ყოველწლიურად პროგრამის ერთ ან რამდენიმე გამარჯვებულს შესაძლებლობას აძლევს, აშშ-ს წამყვან უნივერსიტეტებში სამაგისტრო საფეხურზე 100%-იანი დაფინანსებით ისწავლონ.
2017 წელს ფულბრაიტის პროგრამის გამარჯვებული და საქართველოს ბანკის სტიპენდიატი მარიამ კვანტალიანი გახდა, რომელმაც სწავლის დასრულების შემდეგ მუშაობა Amazon-ში დაიწყო. საკუთარი გამოცდილების შესახებ კი ის ინტერვიუში გვესაუბრა.
გზა Fulbright–ის სტიპენდიამდე
"Fulbright-ის სტიპენდიის მოპოვებამდე 2015-2017 წლებში დელოიტში ფინანსური აუდიტორის პოზიციაზე ვმუშაობდი. ბაკალავრიატი ბიზნესადმინისტრირების მიმართულებით 2015 წელს საქართველოს უნივერსიტეტში დავამთავრე. უცხოეთში სასწავლებლად წასვლაზე აქტიურად ფიქრი კი მესამე-მეოთხე კურსზე დავიწყე. გადაწყვეტილების მიღების შემდეგ შევეცადე, გამოცდებისათვის მზადებასა და GPA-ის გაუმჯობესებაზე მეზრუნა. ინსპირაცია ჩემი უფროსი და იყო, რომელმაც მაგისტრატურა ოქსფორდის უნივერსიტეტში დაამთავრა და 2012 წელს თავის გამოსაშვებ ცერემონიაზე წამიყვანა, მაშინ 19 წლის ვიყავი.
Fulbright-ის აპლიკაცია პირველად 2015 წელს შევავსე (2016 წლის გრანტისთვის), მაგრამ გასაუბრების ეტაპამდეც ვერ მივედი და უარი მივიღე. აღსანიშნავია, რომ იმ წელს MBA მიმართულება არ ფინანსდებოდა და მე აპლიკაცია ფინანსების სამაგისტრო ხარისხზე მქონდა გაგზავნილი. უკვე 2016 წელს გამოცხადდა, რომ MBA მიმართულებაზე დაამატებდნენ 1 კანდიდატს და მაშინვე გადავწყვიტე, ეს შანსი ხელიდან არ გამეშვა და ისევ მეცადა აპლიკაციის გაგზავნა. ეს მცდელობა წარმატებული აღმოჩნდა. ჩემთვის ამერიკაში წასვლა პრიორიტეტი იყო, რადგან იქ ძალიან ძლიერი MBA-ია. გარდა ამისა, ფულბრაიტი ყველაზე მიმზიდველი იყო ჩემთვის, რადგან სრული დაფინანსების მოპოვება ისეთი პირობებით, როგორიც ამ პროგრამას ჰქონდა, იშვიათად მოიძებნებოდა".
ახალი შესაძლებლობები Syracuse University-ში
"Syracuse University-მ ჩემს მოლოდინებს გადააჭარბა. ძალიან კმაყოფილი ვარ როგორც უნივერსიტეტის სასწავლო პროცესითა და პროფესორებით, ასევე სკოლაში არსებული მზრუნველი გარემოთი. მთელი ამ პერიოდის განმავლობაში ძალიან დიდი მხარდაჭერა მქონდა ბიზნესის სკოლის რექტორის, პროფესორებისა და მენტორისგან, რომლებთანაც დღემდე მაქვს მიმოწერა. MBA პროგრამა ორი მიმართულებით — ფინანსები და ბიზნეს ანალიტიკა — დავამთავრე. ეს ორი წელი სავსე იყო ბევრი საინტერესო გამოწვევით, შესაძლებლობითა და ცხოვრებისეული გაკვეთილებით. ასევე, მქონდა შესაძლებლობა, გამეცნო საინტერესო ადამიანები მსოფლიოს სხვადასხვა ქვეყნიდან და ერთმანეთის კულტურა გაგვეზიარებინა. ამასთან, სწავლის პარალელურად ორი სტუდენტური კლუბის ბორდის წევრი, ასევე ე.წ. “Teaching Assistant” და ბოლო სემესტრში Research Assistant-იც ვიყავი.
ვიტყოდი, რომ კონკრეტულ აკადემიურ გამოცდილებასთან ერთად ამ ორი წლის განმავლობაში გამეზარდა პროფესიული თვალსაწიერი და შევიძინე ე.წ. soft skills, რაზეც დროის გასვლასთან ერთად უფრო ვრწმუნდები, რომ კორპორატიულ სფეროში არანაკლებ მნიშვნელოვანია. მაგისტრატურის დამთავრების შემდეგ ჩემი სკოლის მენტორის დახმარებით, ენერგოსექტორში ფინანსური ანალიტიკოსის პოზიციაზე სრულგანაკვეთიანი სამსახური დავიწყე, სადაც რამდენიმე საინტერესო პროექტზე მომიწია მუშაობა. შემდგომში უკვე ეს გამოცდილება დამეხმარა Amazon-ის შესარჩევი ეტაპის წარმატებულად გავლაში. 9 თვის შემდეგ კი Amazon-ში სამუშაოდ სიეტლში გადავედი".
Amazon-ში მუშაობის გამოცდილება
"Amazon-ის შესარჩევი ეტაპი საკმაოდ რთული იყო. Fulbright-ის მსგავსად, პირველ ცდაზე Amazon-იდანაც უარი მივიღე. პირველი უარის შემდეგ კომპანიაში სხვადასხვა პოზიციაზე კვლავ გავგზავნე ჩემი რეზიუმე. რამდენიმე თვის შემდეგ დამიკავშირდნენ. ორი სატელეფონო ინტერვიუ გავიარე, შემდეგ კი on-sit" ინტერვიუზე დამიბარეს სიეტლში, სადაც ერთი დღის განმავლობაში 5 პანელური ინტერვიუ მქონდა.
Amazon-ის ინტერვიუს სპეციფიკური მეთოდი აქვს, კერძოდ, ემყარება ამაზონის 14 ძირითად ლიდერობის პრინციპს, რომლებზეც კანდიდატი უნდა დაიტესტოს. თითოეული ინტერვიუერი კონკრეტულ პრინციპებზე ამოწმებს კანდიდატს, შემდეგ ერთად იკრიბებიან და ერთხმად იღებენ გადაწყვეტილებას. On-site ინტერვიუსთვის შეძლებისდაგვარად კარგად მოვემზადე, შედეგად, შეხვედრამ წარმატებით ჩაიარა.
2020 წლის 17 თებერვალს მუშაობა სიეტლის ოფისში დავიწყე. ოფისში სულ 2 კვირა მომიწია სიარული, რადგან COVID-19-ის პერიოდი დაემთხვა და დისტანციურ რეჟიმზე გადავეწყვეთ. თუმცა მალევე, კერძოდ 2020 წლის შემოდგომაზე შიდა ტრანსფერის დახმარებით, ლუქსემბურგის ამაზონის ოფისში გადავედი. ამის შემდეგ აქ, ლუქსემბურგში, ევროპის სათავო ოფისში ვმუშაობ.
უკვე 4 წელია, რაც Amazon-ში ვარ და ამ პერიოდის განმავლობაში 4 სხვადასხვა როლში გამოვცადე ჩემი შესაძლებლობები ევროპის ტრანსპორტირების ფინანსების დეპარტამენტში. ჩემი ბოლო პოზიცია ევროპის სატრანსპორტო ქსელში მიმწოდებლების სტრატეგიას და სატრანსპორტო ქსელის ოპტიმიზირებას მოიცავდა. ამ წლის თებერვლიდან ახალ პოზიციაზე გადავდივარ, რომლის ფარგლებშიც, სახმელეთო ტრანსპორტირების ორგანიზაციის ფინანსური დაგეგმარების, რეპორტინგის და მდგრადობის მიმართულებებს ვუხელმძღვანელებ. მინდა. აღვნიშნო, რომ მდგრადობა ერთ-ერთი ყველაზე საინტერესო მიმართულებაა, რაც მოიაზრებს ამაზონის ტრანსპორტირების ქსელის დეკარბონიზირებას ელექტრო გადამზიდი მანქანების გამოყენებით.
ზოგადად, Amazon ძალიან დინამიკური და საინტერესო კომპანიაა, სადაც მაქვს შესაძლებლობა, ვიმუშაო ბევრ სხვადასხვა გუნდთან ჩემთვის საინტერესო პროექტებზე, ვიყო კრეატიული და მივიღო სტრატეგიული გადაწყვეტილებები. აქ მუშაობა მოსაწყენი არასდროსაა. შესაბამისად, ეს არის ადგილი, რომელიც მუდმივად გაძლევს შესაძლებლობას ისწავლო, განვითარდე და სტრატეგიული ინიციატივები განახორციელო, რაშიც მთელი გუნდი გეხმარება, რასაც ძალიან ვაფასებ".
პროფესიული განვითარება გრძელდება
"კონკრეტული გრძელვადიანი გეგმები ამ ეტაპზე არ მაქვს. ჯერჯერობით Amazon-დან წამოსვლას არ ვგეგმავ, რადგან ვფიქრობ, აქ ჯერ კიდევ ბევრი რამის სწავლა შემიძლია. ზოგადად, ჩემი გამოცდილებით, რასაც ვგეგმავ, ისე არ გამოდის ხოლმე, ამიტომ უბრალოდ ვცდილობ, ცხოვრების ყველა ეტაპზე ახალი გამოწვევები მაქსიმალურად მივიღო და პროფესიულ/პიროვნულ განვითარებაზე ვკონცენტრირდე. თუმცა, მჯერა, საქართველოში დაბრუნებისას აქ დაგროვილ ცოდნასა და გამოცდილებას გამოვიყენებ".
საქართველოს ბანკის მიერ კორპორატიული სოციალური პასუხისმგებლობის ფარგლებში განხორციელებული პროექტების შესახებ დეტალური ინფორმაციის მიღება შეგიძლიათ ვებგვერდზე: csr.bog.ge
-
გადახედვამიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან მიუხედავად დაპირისპირებისა და რთული ვითარებისა, უნდა გვაერთიანებდეს სამშობლოს სიყვარული და შეგვეძლოს მშვიდობიანი თანაცხოვრება — ეპისტოლედან
-
გადახედვარუსეთმა ვოლოდიმირ ზელენსკი ძებნილად გამოაცხადა რუსეთმა ვოლოდიმირ ზელენსკი ძებნილად გამოაცხადა
-
გადახედვააზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს აზერბაიჯანში დაკავებულ მედია ადვოკატს და ტელეკომპანიის დამფუძნებელს, არ აძლევენ საშუალებას, სასწრაფო ბიოფსია ჩაიტაროს
-
გადახედვააქცია ქართული ოცნების ოფისთან — სანაპირო გადაკეტილია აქცია ქართული ოცნების ოფისთან — სანაპირო გადაკეტილია
-
გადახედვაქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ ქართველი სტარტაპერები რუსული კანონის წინააღმდეგ ერთობლივ განცხადებას ავრცელებენ
-
გადახედვასასტუმრო პარაგრაფთან აქციის მონაწილე დააკავეს სასტუმრო პარაგრაფთან აქციის მონაწილე დააკავეს
-
გადახედვაპრეზიდენტმა ე.წ ოფშორების კანონს ვეტო დაადო პრეზიდენტმა ე.წ ოფშორების კანონს ვეტო დაადო
-
გადახედვაკლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე! კლუბი KHIDI: ვაუქმებთ 3 და 4 მაისის ივენთებს. არა რუსულ კანონს! შევხვდებით რუსთაველზე!
-
გადახედვასაქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა საქართველოს რეიტინგი, პრესის თავისუფლების მსოფლიო ინდექსში, 26 ადგილით დაეცა
-
გადახედვაჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე ჟურნალისტური ეთიკის ქარტიის განცხადება კახა კალაძის მიერ, ჟურნალისტის შეურაცხყოფის ფაქტზე
-
გადახედვადღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია დღეს, კობახიძემ, ამ ქვეყნის ისტორიაში უპრეცედენტო და უდიდესი თავდასხმა განახორციელა აშშ-ზე — გრიგოლ გეგელია
-
გადახედვაკობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე კობახიძე აშშ-ს "ორ რევოლუციურ მცდელობაში" ადანაშაულებს — რა გავიგეთ მისი და აშშ-ის სახელმწიფო მდივნის მრჩევლის პოსტებიდან X-ზე
-
გადახედვაკალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ" კალაძე სპორტსმენებზე, რომელმაც ხელისუფლების ძალადობა დაგმეს: "მეც ვუერთდები "არა რუსულ კანონს", ამ სუფთა ქართულ კანონს კი აუცილებლად მივიღებთ"
-
გადახედვამინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე მინდა, მივმართო ჩვენი ქვეყნის აკრედიტებულ ელჩებს მეგობარ ქვეყნებში... საკითხი ეხება ჩვენი ქვეყნის მომავალს! — მამუკა ხაზარაძე
-
გადახედვაპოლიციის უმოქმედობა აქციის მონაწილეებზე ძალადობას ახალისებს — DRI პოლიციის უმოქმედობა აქციის მონაწილეებზე ძალადობას ახალისებს — DRI
-
გადახედვა11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა 11 მაისს, ევროპის დღეს, რუსული კანონის საწინააღმდეგო მანიფესტაცია დაანონსდა
-
გადახედვაცირკთან აქციის მონაწილეებს, უცნობი პირები, ფიზიკურად გაუსწორდნენ ცირკთან აქციის მონაწილეებს, უცნობი პირები, ფიზიკურად გაუსწორდნენ
-
გადახედვასაფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ საფრანგეთში მცხოვრები ქართველი სტუდენტები რუსული კანონის გაწვევას მოითხოვენ და აქციის მონაწილეებზე ძალადობას გმობენ
-
გადახედვაგზის გადაკეტვა შეკრების თავისუფლების ფორმაა — საია გზის გადაკეტვა შეკრების თავისუფლების ფორმაა — საია
-
გადახედვაკობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე კობახიძე აშშ-ში მიიწვიეს დათქმით, რომ ვიზიტამდე უნდა შეჩერებულიყო კანონპროექტის განხილვა — საგარეო აშშ-ის ელჩის განცხადებაზე
-
კომენტარები