რუსული კანონის საწინააღმდეგო პროტესტს ამჯერად ქართველი იუთუბერებიც უერთდებიან. იუთუბერებმა 13-წუთიანი საერთო ვიდეო ჩაწერეს, რომელშიც გმობენ რუსულ კანონსა და რუსეთს და აცხადებენ, რომ ქვეყანას აუცილებლად უნდა ჰქონდეს ევროპული მომავალი.

"მოტყუება და რუსეთში გაღვიძება — ეს არის ყველაზე დიდი ტრაგედია ახალგაზრდებისთვის და ამას არ დავუშვებთ საზოგადოების არც ერთი წარმომადგენელი", – აცხადებს ელენე რუხაძე, იგივე Foxy Eleniko.

"ეს კანონი გვაშორებს უკეთეს მომავალს და გვაახლოებს ნაცნობ წარსულს, თან არც ისე სასიამოვნო წარსულს", — ამბობენ გადაცემა "კაცების" წამყვანები.

"ჩვენ, ქართველი იუთუბერები, ვართ რუსული კანონის მოწინააღმდეგენი. არა რუსულ კანონს და კი თავისუფალ და ევროპულ მომავალს", — აცხადებს სილამაზის სფეროს მიმართულების ცნობილი ინფლუენსერი თაკო საზინა.

"მე ყოველთვის იმას ვიძახდი, რომ საქართველოს მომავალი არის ევროპაში და ახლაც იგივე აზრზე ვარ და არა რუსეთს, არა ყველაფერ იმას, რაც მიგვექაჩება რუსეთისკენ იმიტომ, რომ ჩვენი მომავალი არის ევროპაში", — ამბობს ცნობილი მოგზაური და იუთუბერი სოსო ნებიერიძე.

სრული ვიდეო შეგიძლიათ ნახოთ აქ: