მოკლედ: ჯანდაცვის სამინისტროს მიერ, 2023 წლის დეკემბერში გასაჯაროებულ ინფორმაციასთან დაკავშირებით, რომლის მიხედვითაც, ფარმაცევტული კომპანიები, მედიკამენტების რეალიზაციას, იმპორტის ფასთან შედარებით, 1000%, 2000% და 3000%-იანი ფასნამატით ახდენდნენ, კონკურენციის სააგენტომ მოკვლევა დაიწყო.

  • ინფორმაციას ჯანდაცვის სამინისტრო ავრცელებს.

დეტალები: კონკურენციის სააგენტო, დომინანტური მდგომარეობის შესაძლო ბოროტად გამოყენების ფაქტს, 8 ფარმაცევტული კომპანიის მიმართ სწავლობს.

  • ჯანდაცვის უწყების ინფორმაციით, სააგენტო დაადგენს, ჰქონდა თუ არა ადგილი, კომპანიების მხრიდან, არასამართლიანი ფასის ან სხვა, არასამართლიანი სავაჭრო პირობების ფიქსირებას.

ბოლო ხაზი: კონკურენციის ეროვნულმა სააგენტომ, ჯანდაცვის სამინისტროს მიმართვის საფუძველზე, კიდევ ერთი საქმის მოკვლევა, დეკემბრის ბოლოს დაასრულა.

  • მოკვლევის შედეგად გაირკვა, რომ ფარმაცევტული კომპანიების მხრიდან, ადგილი ჰქონდა შეთანხმებულ ქმედებასა და კონკურენციის კანონმდებლობის მძიმე ფორმის დარღვევას. კერძოდ, პსპ ფარმამ, ავერსმა, ფარმადეპომ, ჯიპისიმ და მერმისმა, ონკოლოგიურ მედიკამენტებზე, ერთი თეთრის სიზუსტით, იდენტური ფასები განსაზღვრეს.
  • კონკურენციის სააგენტომ, ფარმაცევტული კომპანიები, 52 797 934 ლარით დააჯარიმა.