19 ივლისს, თბილისში დავით აღმაშენებლის გამზირზე, მარჯანიშვილის მეტროსადგური კიდევ ერთი აქცია გაიმართება. აქცია - მოვრეცხოთ მარჯანიშვილის მოედანი, სავარაუდოდ, "ქართველთა მარშის" წინააღმდეგ გაიმართება. აქციის ორგანიზატორი დავით აბზიანიძეა.

"მოგეხსენებათ, თუ როგორ არის ჩვენი ქალაქი დაბინძურებული ათასი პარაზიტით. გასული კვირის მოვლენები გვიჩვენებს, რომ არაფერი გვეშველება, სანამ ჩვენვე არ ავიღებთ ხელში ინიციატივას! შემოგვიერთდით და თან იქონიეთ წყლის ბოთლები, სარეცხი საპონი და სურვილის შემთხვევაში - აქანდაზი", - ვკითხულობთ ღონისძიების ანონსში.

გასულ კვირას, პარასკევს, 14 ივლისს იმავე ადგილას ქსენოფობიური, ქართველთა მარში გაიმართა. მარჯანიშვილის მორეცხვის აქციას ამ დღეს გადაღებული ფოტო ადევს.

მასალის თავდაპირველ ვერსიაში ეწერა, რომ 19 ივლისს აქცია "ქართული მარშის" წინააღმდეგ იმართებოდა, რაც ამ დრომდე არ დასტურდება.