მოკლედ: სალომე ზურაბიშვილი ამბობს, რომ ხელისუფლება არ აძლევს საშუალებას, შეხვდეს სხვა ქვეყნების საქართველოში ვიზიტად მყოფ ლიდერებს.

  • ის ვერც სომხეთის პრემიერ-მინისტრს, ნიკოლ ფაშინიანს შეხვდა, რომელიც საქართველოში, სამუშაო ვიზიტით, გუშინ ჩამოვიდა.

დეტალები: "სამწუხაროა, რომ პრეზიდენტს არ ეძლევა შესაძლებლობა შეხვდეს და სათანადოდ უმასპინძლოს მეგობარი ქვეყნების ლიდერებს საქართველოში ვიზიტის ფარგლებში.

  • ასევე სამწუხარო და აღსანიშნავია ისიც, რომ შესაბამისი უწყებების მხრიდან, არ ხდება პრეზიდენტის ინფორმირება, ქვეყანაში დაგეგმილი მაღალი რანგის ვიზიტების, შეხვედრებისა თუ ღონისძიებების შესახებ", — ნათქვამია პრეზიდენტის ადმინისტრაციის მიერ გავრცელებულ განცხადებაში.

კონტექსტი: სალომე ზურაბიშვილს ვიზიტების განხორციელების საშუალება არც სხვა ქვეყნებში ეძლევა.

  • მან რამდენიმე შეხვედრა გამართა ევროპის ქვეყნების ლიდერებთან, კანდიდატის სტატუსის მინიჭების მხარდასაჭერად.
  • ზურაბიშვილის გადაწყვეტილებას ქართული ოცნების კრიტიკა მოჰყვა, პრეზიდენტი კონსტიტუციის უხეშ დარღვევაში დაადანაშაულეს.
  • ვიზიტებთან დაკავშირებით, საკონსტიტუციო სასამართლომ პარლამენტის წევრების [ირაკლი კობახიძის, შალვა პაპუაშვილის, მამუკა მდინარაძის და სხვების, სულ 80 წევრის] კონსტიტუციური წარდგინება პრეზიდენტის იმპიჩმენტთან დაკავშირებით 22 სექტემბერს მიიღო.
  • 16 ოქტომბერს, საკონსტიტუციო სასამართლომ პრეზიდენტი სალომე ზურაბიშვილი კონსტიტუციის დამრღვევად ცნო "მთავრობის უნებართვო ვიზიტების განხორციელების გამო".