მოკლედ: სახელმწიფო უსაფრთხოების სამსახურმა პრეზიდენტის ადმინისტრაციის ოფიციალურ ვებგვერდზე განხორციელებული კიბერშეტევა აღკვეთა, "რომლის შედეგად, ვებ გვერდზე www.president.ge განთავსებული ინფორმაციის მთლიანობა და ავთენტურობა დაირღვა."

დეტალები: სუს-ი აღნიშნავს, რომ მათმა შესაბამისმა ცენტრმა შეტევა უმოკლეს ვადაში გამოავლინა.

  • ჩატარდა ყველა გადაუდებელი რეაგირების ღონისძიება და პრეზიდენტის ადმინისტრაციის ვებგვერდი ჩვეულ რეჟიმში ფუნქციონირებს.
  • "მიმდინარეობს ინციდენტის კვლევის დამატებითი მოქმედებები აღნიშნული ვებგვერდის სხვა მოწყვლადობებზე შემოწმების, ასევე, დამნაშავეთა იდენტიფიცირებისა და შემდგომი სამართლებრივი რეაგირების მიზნით", — ნათქვამია სუს-ის განცხადებაში.

ბოლო ხაზი: პრეზიდენტის ვებგვერდი დღეს, დილის საათებში გაითიშა.