მოკლედ: პოლიციამ გუშინ, 23 იანვარს თბილისში, კეკელიძის ქუჩაზე ხატიაშვილების ოჯახის გამოსახლების წინააღმდეგ გამართულ აქციაზე სულ 20 პირი დააკავა, აქედან ორი — სისხლის სამართლის წესით.

  • მოძრაობა ხმის ინფორმაციით, დაკავებულია მათი ორი წევრი — გიორგი ხასაია და კაკო ჩიქობავა.

მსგავსი: გამოსახლება კეკელიძის #1-დან — დეტალები ფოტოებში

დეტალები: ისინი აღსრულების პოლიციის მანქანის ფანჯრის ჩამსხვრევის გამო დააკავეს.

ხასაიას და ჩიქობავას 3-დან 6 წლამდე პატიმრობა ემუქრებათ.

  • "გიორგი და კაკო ჩვენი მოძრაობის თანადამფუძნებლები არიან. კაკო თბილისის სახელმწიფო უნივერსიტეტში საქართველოს ისტორიას ასწავლის. გიორგი ილიას სახელმწიფო უნივერსიტეტის ანთროპოლოგიის დოქტორანტია.
  • ჩვენ, მოძრაობა ხმა, განცხადებების გავრცელებით არ შემოვიფარგლებით, თუ ჩვენი ორივე წევრი არ გათავისუფლდება და მათ მიმართ დევნა არ შეწყდება", — ნათქვამია ხმის განცხადებაში.

მსგავსი: სად იმყოფება გამოსახლების შემდეგ და რა მდგომარეობაშია მარინა ხატიაშვილი