მოკლედ: აღსრულების პოლიციამ სახლიდან გამოიყვანა მარინა ხატიაშვილის ოჯახი და აქტივისტები, რომლებიც ცდილობდნენ, გამოსახლების პროცესისთვის ხელი შეეშალათ.

დეტალები: ბინაში შეკრებილებმა პოლიციას წინააღმდეგობა გაუწიეს, სამართალდამცველებმა ისინი ძალის გამოყენებით გამოიყვანეს.

ასევე ნახეთ: აღსრულების პოლიცია შენობაში შევიდა და ადგილზე მოქალაქეების დაკავება დაიწყო

კონტექსტი: აღსრულების ბიურო ოჯახის გამოსასახლებლად კეკელიძის ქუჩაზე დღეს დილით მივიდა, თუმცა, ადგილზე მათ მოქალაქეების დიდი ჯგუფი დახვდა.

  • საცხოვრებელ კორპუსთან შეკრებილები ითხოვენ, რომ გამოსახლების პროცესი შეჩერდეს.
  • ისინი ამ პროცესისთვის ხელის შეშლას ცდილობენ.
  • მომხდარს გამოეხმაურა საქართველოს პრეზიდენტი, სალომე ზურაბიშვილი.
  • "მიუღებელია ადამიანების გამოსახლება ზამთარში და თოვლში, მათი საკუთრების დაზიანება, მათი ღირსების შელახვა, მევაღშეეების წახალისება!" — დაწერა პრეზიდენტმა ფეისბუქზე.

ბოლო ხაზი: ხატიაშვილების ოჯახის (კეკელიძის ქ. 1) გამოსახლება 2019 წლიდან დღემდე, უკვე მეხუთედ ჩაინიშნა;

  • აქედან ბოლო მცდელობა 2023 წლის 23 იანვარს იყო, თუმცა, მაშინ პროტესტის გამო, გასახლების პროცესი შეჩერდა.

გაიგე მეტი: რა უნდა ვიცოდეთ იმ ოჯახების პრობლემაზე, რომელთა გასახლებას აღსრულების ბიურო ცდილობს