ცნობილი მომღერალი ტეილორ სვიფტი და ამერიკული ფეხბურთის მოთამაშე ტრევის კელსი უკვე რამდენიმე თვეა, ერთმანეთს ხვდებიან. სვიფტი შეყვარებულის თამაშებს სექტემბრიდან მოყოლებული ხშირად ესწრება. 21 იანვრის თამაშზე, მას შემდეგ, რაც ტრევისმა გოლი გაიტანა, მან სტადიონის იმ მხარეს, საითაც ტეილორი იჯდა, მაყურებლებს ხელით გაკეთებული გული უჩვენა.

ერას ტურის კონცერტებზე ტეილორი სიმღერა Fearless-ის შესრულებისას მსმენელს სწორედ მსგავს გულს უჩვენებს, ამიტომ გულშემატკივრებმა ეს ჟესტი სვიფტთან მაშინვე დააკავშირეს და სოციალურ ქსელებში ვიდეოებიც გაავრცელეს.

@people 🫶 #TaylorSwift #TravisKelce #NFL #Swifttok #KansasCityChiefs ♬ Andrew Scott marry me I beg - Shauna

მომღერალი კელსის თამაშებს ტრევისის ოჯახის წევრებთან ერთად ესწრება ხოლმე, ამჯერად კი სვიფტს მისი მეგობარი, კარა დელევინიც, ახლდა. სვიფტმა და კელსიმ ურთიერთობა 2023 წლის ივლისში დაიწყეს. მანამდე ტეილორი 6 წლის განმავლობაში ინგლისელ მსახიობ ჯო ალვინს ხვდებოდა.