შვილიშვილებს ძალიან გვიყვარს ბებიების ტანსაცმლის გარდერობში განთავსება, ჩაცმა, გადაკეთება და გათანამედროვება, მაგრამ იმაზე თუ გვიფიქრია, რა იქნებოდა პირიქით, ბებიებს რომ მოერგოთ შვილიშვილების სამოსი?

Cosmo-ს, რომელიც ცნობილია თავისი ყოველდღიური ხელნაკეთი ჩანთებითა და აქსესუარებით, მტკიცედ სწამს, რომ მოდა აუცილებლად პოზიტიური ემოციებისა და კავშირების გამტარი უნდა იყოს. მათთვის ბედნიერება მხოლოდ სლოგანი არ არის, ის არის მათი სახელმძღვანელო პრინციპი, რომელიც ვრცელდება როგორც მათ თანამშრომლებზე, ასევე მომხმარებლებზე.

დაარსების დღიდან კოსმოელებს სურთ, ბედნიერება ყველას გადასდონ და გაუზიარონ. ქართული კულტურითა და პრაქტიკული ხედვით შთაგონებულ დიზაინთან ერთად მათი საკომუნიკაციო ენა და კამპანიებიც ამის დასტურია.

2023 წელს კოსმო გულთბილი კამპანიით ემშვიდობება და მისი მთავარი მესიჯი "ბედნიერება სულ მოდაშია" ყურადღების ცენტრში მოექცა.

კოსმომ დაამტკიცა, რომ ბედნიერებას არ სჭირდება არც მოდა, არც ტენდენციები, გემოვნებამ კი არ იცის ასაკი, რის საჩვენებლადაც კომპანიამ Holy Motors-სა და Limoni-თან ერთად გადაწყვიტა, სტუდიაში ნამდვილი ბებიები და შვილიშვილები მოეწვია. სწორედ ასე შეიქმნა ვიდეო, რომელიც სოციალურ მედიაში ვირუსულად გავრცელდა.

მაინც რა ხდება ვიდეოში ისეთი, რომ მან შეძლო, ერთდროულად გაეცინებინა და აეტირებინა მაყურებელი?

ვიდეოში, რომლის შთაგონება ბებიებსა და შვილიშვილებს შორის არსებული ბუნებრივი და მომხიბვლელი კავშირია, საუბრობენ მოდაზე, გემოვნებაზე, ჩანთებზე. ხოლო ამაღელვებელი სცენა მაშინ იწყება, როცა ბებიები და შვილიშვილები ერთმანეთს ტანსაცმელს უცვლიან.

ამიერიდან შენც აუცილებლად დარწმუნდები, რომ ჩვენს ყოველდღიურ მოდას შეუძლია, თაობები დაახლოვოს და თითოეული ჩვენგანი მოულოდნელი ბედნიერებით აავსოს. უფრო მეტიც, როცა საქმე სტილს ეხება, ბარიერი თაობებს შორის არ არსებობს.

აი, კიდევ ერთი რამ, რაც უნდა იცოდე, მთავარ ვიდეოს მალე მოჰყვება ინდივიდუალური ინტერვიუების გრძელი ვერსია და საახალწლო კალენდარი, რომელსაც 12 ბებია-შვილიშვილის ერთმანეთის იერში გარდასახვა ამშვენებს.

ფოტო: Cosmo

ფოტო: Cosmo

კოსმოსთვის 2023 წელი დიდი წელი აღმოჩნდა. კომპანიამ წარმატებებთან და ფინანსურ ზრდასთან ერთად ბედნიერების გავრცელება წელს ყველაზე კარგად შეძლო. მისმა ვიდეომ კი ყველა, დიდი თუ პატარა აგვაცრემლიანა და სასიამოვნო ემოციები აღგვიძრა.

აქვე უნდა აღინიშნოს ისიც, რომ Holy Motors-თან თანამშრომლობით ეს უკვე მესამე კამპანიაა. ქალები ბაზრიდან უხვად დაჯილდოვდა Art Director’s Club-ზე ვერცხლი კამპანიებში Integrated & Innovation, Ad Black Sea-ზე ინტეგრირებული კამპანიების ოქრო და ორი ვერცხლი, Anthem Award ვერცხლი სოციალური კამპანიებისთვის. შარშან კი სუფჩა შეიქმნა — ჩანთა, რომელიც საახალწლო სუფრად იშლება.

CREDITS

კოსმო

Holy Motors

შემოქმედებითი ხელმძღვანელები: გიორგი ავალიანი, ნიკოლოზ კუმბარი
სტრატეგიული ხელმძღვანელი: შოთა ჩინჩალაძე
აღმასრულებელი ხელმძღვანელი: ანო მაისურაძე
დიზაინის გუნდი: გიორგი ვასაძე, თათა გუშარაშვილი, ნუცი ლამაზოშვილი, ბარბარე ტოგონიძე
შემოქმედებითი გუნდი: ნუცა გაბუნია, ვიქტორია გასანოვა
პროექტის მმართველი: ანი გოგუაძე

Limoni

რეჟისორი: გიორგი ოკმელაშვილი
დამდგმელი ოპერატორი: ბიბა ვიგენ ვართანოვი
ოპერატორები: ბექა გაბულია, დანიელ სამხარაძე, ბაჩო გუჩუა, ნიკოლოზ საჩალელი
გაფერი: შოთა ხიჯაკაძე
გამნათებლები: არჩილ სამხარაძე, გიორგი სამხარაძე,დემეტრე ჯანიაშვილი
დოლი: იურა პოღოსოვი
მხატვარი: მარიამ გელაძე
მხატვრის ასისტენტები: გუჯა ჩიბურდანიძე, ბექა რევაზიშვილი
რეჟისორის ასისტენტი: ნინი ნოზაძე
კოსტიუმების მხატვარი: ნათია ინწკირველი
კოსტიუმის მხატვრის ასისტენტი: ეკა სადრაძე
გრიმიორი: ნუნუკა ხიზანიშვილი
კასტინგ მენეჯერი: ეკა მჟავანაძე
კასტინგის ასისტენტი: ნინო აგლაძე
ხმის ოპერატორი: ირაკლი ფუტკარაძე
ფოტოგრაფი: ირაკლი გაბელაია
მემონტაჟე: ლაშა კალანდაძე
პროდიუსერი: აკო კევლიშვილი, გიორგი ოკმელაშვილი