ანალიტიკოსები 2023 წლის შედეგებს საფონდო ბირჟისთვის დადებითად აფასებენ და ამბობენ, რომ ინფლაციისა და მზარდი საპროცენტო განაკვეთების მიუხედავად, აშშ-ის ეკონომიკა მზარდია და კერძო სექტორის მოგება იზრდება.

ბუნებრივია, კომპანიების მაჩვენებლების შესახებ რეიტინგიც შედგა და გამოჩნდა, რომელმა მათგანმა გააუმჯობესა უფრო მეტად საკუთარი ფინანსური შედეგები. ამ სტატიაში სწორედ S&P 500-ის კომპანიებს შორის დადებითი და უარყოფითი შედეგების მქონე აქციებზე გიყვებით.

კომპანიები, რომელთა აქციებიც მნიშვნელოვნად გაიზარდა

Nvidia (NVDA) — მაღალი კლასის ნახევარგამტარების კომპანიამ წლიურად 220%-იანი ზრდა აჩვენა, რაც S&P 500-ში დალისტულ კომპანიებს შორის საუკეთესო მაჩვენებელია. Nvidia-ის ზრდა AI-თან დაკავშირებული ბუმის დამსახურებაა — როგორც ცნობილია, ამ კომპანიის მიერ შექმნილი ჩიპები ხელოვნური ინტელექტის სექტორში ფართოდ გამოიყენება.

Meta Platforms (META) — Facebook-ისა და Instagram-ის მშობელი კომპანიის აქციები 2023 წელს 172%-ით გაიზარდა, რაც, უმთავრესად, 2022 წლის შემდეგ ონლაინ სარეკლამო ბაზრის გაჯანსაღებას უკავშირდება. გარდა ამისა, აღსანიშნავია, რომ Meta მძლავ ინვესტიციას ახორციელებს ხელოვნური ინტელექტის ტექნოლოგიებსა და მეტავერსში.

Royal Caribbean (RCL) — როგორც ცნობილია, 2020 წლის პანდემიამ ტურიზმის სექტორს მნიშვნელოვანი დარტყმა მიაყენა. გამონაკლისი არც საკრუიზო ბიზნესი აღმოჩნდა. შესაბამისად, ეკონომიკის აღდგენის პარალელურად, Royal Caribbean-ის მომსახურებაზე მოთხოვნაც გაიზარდა, რამაც მისი აქციების ღირებულება 2023 წელს 117%-ით გაზარდა.

კომპანიები, რომელთა აქციების ღირებულებაც შემცირდა

Solaredge Technologies (SEDG) — 2023 წელი მზის ენერგიის ინდუსტრიისთვის მძიმე აღმოჩნდა, რაც შესაბამის სისტემებზე მოთხოვნის შემცირებით გამოიხატა. როგორც ანალიტიკოსები ამბობენ, ეს ძირითადად საკრედიტო ბაზრების გამკაცრებას უკავშირდება. შესაბამისად, Solaredge Technologies, რომელიც მზის ინვერტორებს აწარმოებს, წლიურად დაახლოებით 72%-ით შემცირდა.

Enphase Energy (ENPH) — სექტორში დარტყმებს ვერც Enphase Energy გადაურჩა, რომელიც 2022 წლის მეოთხე კვარტალში 68%-იან ზრდას აჩვენებდა. თუმცა, მისი შემოსავლები 2023 წლის მესამე კვარტალში 13%-ით შემცირდა. საერთო ჯამში კი, წლიურად მისმა აქციებმა ღირებულების 62% დაკარგეს.

FMC Corporation (FMC) — სოფლის მეურნეობის ქიმიკატების მწარმოებელი კომპანიისთვის 2023 წელი კრიზისული აღმოჩნდა — კომპანიამ შემოსავლები დაკარგა. როგორც ცნობილია, FMC-ის აქციები 56%-ით არის შემცირებული. ამასთან, ხელმძღვანელობა აცხადებს, რომ ისინი უახლოეს მომავალში ბაზრის გაუმჯობესებას არ ელოდებიან.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

აქვე გეტყვით იმასაც, რომ მობილბანკში 31 დეკემბრამდე აქციაა — საინვესტიციო ანგარიშის გახსნა და ვაჭრობა შესაძლებელია საკომისიოს გარეშე, უფასოდ.

ეს არ არის ფინანსური რჩევა. ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.