მოკლედ: ევროკავშირის დელეგაცია მოქალაქეებს იწვევს, გაგზავნონ ნებისმიერი კითხვა ფეისბუქის მეშვეობით, რომელიც საქართველოში ევროკავშირის საქმიანობასა და ევროკავშირში გაწევრიანების გზაზე ქვეყნის მხარდაჭერას ეხება.

დეტალები: "ახლა ისტორიული მომენტია. საქართველოს ევროკავშირის კანდიდატის სტატუსი მიენიჭა. ალბათ გაინტერესებთ, რას ნიშნავს ეს თქვენთვის და საქართველოსთვის. ევროკავშირის წარმომადგენლობა აქ არის, თქვენს შეკითხვებზე პასუხის გასაცემად", — ამბობს ვიდეომიმართვაში ელჩი პაველ ჰერჩინსკი.

  • მოქალაქეებს შეუძლიათ დასვან ნებისმიერი კითხვა საქართველოში ევროკავშირის მუშაობისა და ასევე იმის შესახებ, თუ როგორ უჭერს მხარს ევროკავშირი საქართველოს ევროკავშირში გაწევრიანების გზაზე.
  • კითხვების გაგზავნა შესაძლებელია Facebook მესინჯერის საშუალებით, ან — ამ პოსტის კომენტარებში.

კითხვების გაგზავნის ბოლო ვადაა 2024 წლის 10 იანვარი.