მოკლედ: შესაბამისი საკანონმდებლო ცვლილებათა პაკეტი პარლამენტმა მესამე მოსმენით, 82 ხმით დაამტკიცა.

  • კანონი 2024 წლის 1 იანვრიდან ამოქმედდება.
  • ინიციატივა პარლამენტში შინაგან საქმეთა სამინისტროს ავტორობით შევიდა.
  • უწყების მიხედვით, საკანონმდებლო ცვლილებათა პაკეტის მიზანს საგზაო მოძრაობის უსაფრთხოების უზრუნველყოფა წარმოადგენს.

ცვლილებების თანახმად: 1-ელი დეკემბრიდან 1-ელ მარტამდე პერიოდში, მთავრობის მიერ განსაზღვრულ ზონებში, ან გზის მონაკვეთებზე გადაადგილებისას, სატრანსპორტო საშუალების ზამთრის საბურავებით აღჭურვა სავალდებულო ხდება.

///

გარდა ამისა: განსაკუთრებულ შემთხვევაში, მეტეოროლოგიური პირობების გათვალისწინებით, შესაძლოა, დადგინდეს ზემოაღნიშნული პერიოდისგან განსხვავებული დროის მონაკვეთი, ან დაწესდეს დამატებითი მოთხოვნა, სატრანსპორტო საშუალების ზამთრის საბურავებთან ერთად მოცურების საწინააღმდეგო ჯაჭვებით აღჭურვის შესახებ.

სანქცია: წესდება ჯარიმა 100 ლარის ოდენობით და მართვის მოწმობაზე მინიჭებული ქულები 5 ქულით შემცირება. "ზამთრის საბურავების ტექნიკური მახასიათებლები საქართველოს მთავრობის დადგენილებით განისაზღვრება", — ვკითხულობთ ცვლილებათა პაკეტში.